ایران‌دا سئل یئنه جان آلدی

سئلده قالان اتومبیللرین‌دن بیرینین ایچریسینده اولان آنا ایله اوشاغینین حیاتینی ایتیردیگی ایفاده ائدیلدی

ایران‌دا سئل یئنه جان آلدی

ایرانین اصفهان ویلایتین‌ده‌کی مشهد اردهال شهرین‌ده‌کی سئل‌ده ۲ نفر اؤلدو.

اصفهان والی‌لیگینین بحران یؤنتیم مرکزینین باش مودورو منصور شیشه‌فروش، ایران دؤولت مئدیاسین‌دا یئر آلان آچیقلاماسیندا، مشهد اردهال شهرین‌ده‌کی داشقین سببیله ۳ اتومبیلین سو ایچین‌ده قالدیغینی سؤیله‌دی.

شیشه‌فروش، سئلده قالان اتومبیللرین‌دن بیرینین ایچریسینده اولان آنا ایله اوشاغینین حیاتینی ایتیردیگینی ایفاده ائتدی.

ایراندا مارسین ۱۷سینده باشلایان شدتلی یاغیشلار اؤلکه‌ده‌کی ۳۱ ایالت‌دن ۲۵ینی ائتکیله‌دی.

ایران بحران یؤنتیم قورومو خالقلا ایلیشکیلر مودورو علی بختیاری، ۲۵ ایالتده توپلام ۲۳۵ شهر و ۴ مین ۳۰۴ کندین ائتکیلندیگی سئل فاجعه‌سینده ۷۸ نفرین اؤلدگو و مین نفرین یارالاندیغینی بیلدیردی. ایچ ایشلری باخانی عبدالرضا رحمانی فضلی ایسه مادی زیانین ۷ میلیارد ۶۱۹ میلیون دلار اولدوغونو ایفاده ائتدی.

ایران‌دا یاشانان داشقینلارا کؤمک اوچون حرکت ائد‌ن تورک قیزیل‌آیی قروپو، ایران قیزیل‌آیی ایله اورتاق فعالیتله فاجعه بؤلگه‌لرینه بئش تریلر اینسانی یاردیم چاتدیرمیشدی.



ایلگیلی‌لی خبرلر