آنا آتالارا ائکران اویاریسی

دونیا ساغلیق هؤرگوتوندن اوشاقلارین ساغلیقلی بؤیومه‌لری اوچون جدی اویاریلار

آنا آتالارا ائکران اویاریسی

دونیا ساغلیق هؤرگوتوندن، ۵ یاشین آلتین‌داکی اوشاقلارین ساغلیقلی بؤیومه‌لری اوچون ائکران باشین‌دا داها آز واخت گئچیرمه‌لری اویاریسی گلدی.

دونیا ساغلیق هؤرگوتونون اوشاقلارین ائکران باشین‌دا گئچیردیگی زامانا دایر ایلک دفعه یاییملادیغی قیلاووزدا، ۵ یاشین آلتین‌داکی اوشاقلاردا کؤکلوک و حیاتلارینین سونراکی دؤورلرین‌ده قارشیلاشابیله‌جکلری دیگر خسته‌لیکلرین قارشی‌سینین آلینماسی اوچون فیزیکی اولاراق فعال اولمالاری و یئترلی یوخلامالاری لازیم اولدوغو وورغولاندی.

قیلاووزدا، کؤرپه‌لر و کیچیک اوشاقلارین غیر فعال اولاراق تلویزیون و یا دیگر ائکرانلارین باشین‌دا بوراخیلماماسی و ۲ یاشین آلتین‌داکی اوشاقلارین دا بیلگی‌سایار اویونلاری دا داخیل ائکران باشین‌دا ثابت اولاراق واخت گئچیرمه‌مه‌سی لازیم اولدوغو ایفاده ائدیلدی.

دونیا ساغلیق هؤرگوتو قلاووزوندا، ۲-۴ یاش اوشاقلارین ایسه ائکران باشین‌دا گونده ۱ ساعات‌دان چوخ واخت گئچیرمه‌مه‌سی اوچون عائله‌لر اویاریلدی.

بیر یاشین‌دان کیچیک اوشاقلارین ایسه هر هانسی بیر شکیل‌ده الکترونیک ائکرانلارا معروض قویولماماسی وورغولاندی.

سدانتر حیات طرزینین (فیزیکی فعاللیغین دۆزن‌سیز اولماسی و یا هئچ اولماماسی) ضررلرینین آنلادیلدیغی قیلاووزدا، ۵ یاشین آلتین‌داکی اوشاقلارین ساغلیقلی بؤیویه‌بیلمه‌لری، داها کیفیت‌لی یوخولامالاری و فعال اویون اوینامالاری اوچون ائکران باشین‌دا داها آز واخت گئچیرمک مجبوریتین‌ده اولدوقلاری اویاریسی وئریلدی.

دونیا ساغلیق هؤرگوتو، ائلجه ده ۱-۴ یاش اوشاقلارین داها ساغلیقلی بؤیومه‌لری و اوبزیته‌نین قارشی‌سینی آلمابیلمک اوچون گونده ان آز ۳ ساعات فرق‌لی فیزیکی فعالیتلر ائتمه‌سی اوچون عائله‌لره توصیه وئردی.



ایلگیلی‌لی خبرلر