اؤلنلرین ساییسی ۱۱۶یا یوکسلدی
فاجعه سونراسی سودا ایتنلره عاید یئنی جسدلرین تاپیلدیغی ایفاده ائدیلدی
عراقین موصول شهرینده گئچن آی باش وئرن گمی فاجعهسینده اؤلنلرین ساییسی ۱۱۶یا یوکسلدی.
عراق مولکی مدافعه مودورو کاظم سلمان، وئردیگی یازیلی آچیقلامادا، دجله چاییندا ۲۱ مارسدا باش وئرهن فاجعه سونراسی سودا ایتنلره عاید یئنی جسدلرین تاپیلدیغینی ایفاده ائتدی.
سلمان، گمینین باتماسی نتیجهسینده ایتکین دوشنلرین جسدلرینین حادثهنین باش وئردیگی بؤلگهدن اوزاق بیر مسافهده، موصول الشورا قصبهسی یاخینلیغیندا تاپیلدیغینی قید ائتدی.
حادثهنین باش وئردیگی تاریخدن بو یانا چایدان ایندییه قدر ۱۱۶ نفرین جسدینین چیخاردیغینی دئیهن سلمان، فاجعه سیراسیندا ۳۳ نفرین ده قورتاریلدیغینی خاطیرلاتدی.
عراقلی مقاملارین سون اولاراق ۲۲ مارسدا حیاتینی ایتیرهنلرین ساییسینین ۱۰۰ اولدوغونو آچیقلامیشدی.
تورکیهدن دنیز گوجلرینه عاید ۲۰ نفرلیک دالغیج قروپو گمی فاجعهسینده ایتکین دوشنلرین تاپیلماسی اوچون مارسین ۲۹وندا موصولا گئتمیشدی.
قروپون دجله چایینداکی آختارما و قورتارما ایشلری داوام ائدیر.