انسان عؤمرو اوزاندی

آشاغی گلیرلی اؤلکه‌لرده اورتالاما عؤمور مدتی یوکسک گلیرلی اؤلکه‌لره گؤره ۱۸،۱ ایل داها آز

1177795
انسان عؤمرو اوزاندی

دونیا ساغلیق هؤرگوتونون یاییملادیغی دونیا "ساغلیق استاتیستیکلری راپورونا" گؤره، ۲۰۰۰-۲۰۱۶ آراسین‌دا اورتالاما یاشام مدتی ۵،۵ ایل آرتاراق، ۶۶،۵دن ۷۲یه یوکسلدی.

اورتالاما یاشام مدتین‌ده آدام‌باشینا دوشه‌ن گلیر، باش رول اویناماغا داوام ائدرکن، آشاغی گلیرلی اؤلکه‌لرده اورتالاما عؤمور مدتی یوکسک گلیرلی اؤلکه‌لره گؤره ۱۸،۱ ایل داها آز.

۲۰۱۹دا ۷۳ میلیونو اوغلان، ۶۸ میلیونو قیز ۱۴۱ میلیون اوشاغین دونیایا گلمه‌سی اؤن گؤرولن راپوردا، اوغلانلارین اورتالاما ۶۹،۸، قیزلارین دا ۷۴،۲ ایل یاشایاجاغی تخمینی ائدیلیر.

اؤلکه‌لر آراسین‌دا اورتالاما یاشام سۆره‌سی ژاپندا ۸۴، سوئیس‌ده ۸۳ ایله ان یوکسک اولاراق دقت چکرکه‌ن، لسوتو و اورتا آفریقا جمهوریتی کیمی اؤلکه‌لرده ایسه اورتالاما ۵۲-۵۳ ایلدیر.

ایلک دفعه جینسیته دایالی اورتالاما عؤمور مدتینین اله آلیندیغی راپوردا، باش‌دا گلیشمیش اؤلکه‌لرده اولماقلا قادینلارین کیشیلره نیسبا داها اوزون یاشادیغینی قید اولوندو.

راپوردا قادینلارین کیشیلره گؤره ساغلیق خیدمتلرینه اریشیمینین داها یوکسک سویه‌ده باش وئردیگی، کیشیلرین اؤنله‌نه‌بیلیر و معالیجه ائدیله‌بیلیر یولوخوجو اولمایان خسته‌لیکلرله، ترافیک قضالارین‌دان اؤلمه احتیمالینین قادینلارا گؤره داها چوخ اولدوغو قید ائدیلدی.



ایلگیلی‌لی خبرلر