سئل ۱۹ جان آلدی
شدتلی یلاغیشلارین یول آچدیغی سئل فاجعهسینده ۱۹ نفر حیاتینی ایتیردی و ۹۴ نفر یارالاندی
ایراندا یاشانان داشقین نتیجهسینده حیاتینی ایتیرهنلرین ساییسی ۱۹ نفره چیخدی.
ایران دؤولت تلویزیونونا دانیشان بحران ایداره قورومونون سؤزچوسو بهنام سعیدی، اؤلکه ده شدتلی یلاغیشلارین یول آچدیغی سئل فاجعهسینده ۱۹ نفرین حیاتینی ایتیردیگینی و ۹۴ نفرین یارالاندیغینی سؤیلهدی.
اؤلکهنین ۲۵ ایالتینده میدانا گلن داشقین فلاکتینین بو ایالتلره باغلی ۷۷ شهره ضرر وئردیگینی دیله گتیرن سعیدی، شیراز شهرینده ۱۷، کرمانشاه و لورستان ایالتلرینین هر بیرینده بیر نفرین حیاتینی ایتیردیگینی ایفاده ائتدی.
تسنیم خبر آژانسینا دانیشان چهار بختیاری والیسی اقبال عباسی عصر، ایالته باغلی بیر کندین داشقین سولاری آلتیندا قالدیغینی، ۱۰۰ کند یولونون داداشقینلاردان ضرر گؤردویونو بیلدیردی.
عباسی عصر، ۲۰ کندین داشقین تهدیدیله قارشی قارشییا اولدوغونو سؤیلهدی.
ایرانلی یئتکیلیلر طرفیندن داها اؤنجه وئریلن آچیقلامالاردا، شیراز شهریندهکی قرآن قاپیسی جادهسیندهکی ۲۰۰دن چوخ آراجین سئله دوشمهسی نتیجهسینده ۱۷ نفرین اؤلدو، ۷۴ نفرین یارالاندیغی بیلدیریلدی.
اؤلکهنین قوزئی، قوزئی باتی، گونئی و گونئی باتیسندا اؤتن هفتهدن بو یانا داوام ائدن شدتلی یاغیشلار، بعضی چایلارین قارشیسینا تیکیلن سد و کؤرپولرین ییخیلماسینا سبب اولدو و یوزلرجه ائو سو آلتیندا قالدی.
ایلگیلیلی خبرلر
نیجریهده مننژیت اپیدمیسی باشلاییب
ژانویه آییندان بری 2172 مننژیت حادثهسینین اشکارلانیب و اونلاردان 202 نفر دونیاسینی دییشیب