الکللو ایچکیلر اؤلدورور
۱۸-۲۴ یاشلارینداکیلارین یوزده ۱۹،۴ونون تئز تئز سرخوش اولدوغو بیلدیریلدی
فرانسادا هر ایل ۴۱ مین نفرین الکل ایچمهسیندن ایرلی گلن خستهلیکلردن حیاتینی ایتیردیگی بیلدیریلدی.
ساغلیق باخانلیغینا باغلی فرانسا خالق ساغلیغینین یاییملادیغی راپوردا، الکل مصرفینین اینسان ساغلیغی اوزریندهکی تأثیرلری دگرلندیریلدی.
۲۰۱۵-۲۰۱۷.جی ایللرده ائدیلن آراشدیرمایا دایاندیریلان راپوردا، هر ایل ۳۰ مینی کیشی، ۱۱ مینی قادین اولماق اوزره توپلام ۴۱ مین نفرین الکل مصرفینه باغلی خستهلیکلر سببیله یاشیمینی ایتیردیگی قید ائدیلدی.
سؤزوگئدن ۴۱ مین نفردن ۱۶ مینینین الکل مصرفینه باغلی گلیشن سرطان نؤوعلریندن اؤلدویو قید ائدیلدی.
راپوردا الکلون، کیشیلرین یوزده ۱۱ی و قادینلارین یوزده ۴و اوچون اؤلوم سببی اولدوغو ایفاده ائدیلدی.
۶۵-۷۵ یاش آرالیغینداکی اینسانلارین یوزده ۲۶سینین هر گون الکل ایچدیگی و ۱۸-۲۴ یاشلارینداکیلارین یوزده ۱۹،۴ونون تئز تئز سرخوش اولدوغو بیلدیریلدی.
آرالاریندا الکل و باغیملیلیقلا مباریزه درنکلرینین یؤنتیجیلرینین ده اولدوغو دکترلار، بیر نئچه آی اول ساغلیق باخانی آگنس بوزینه آچیق مکتوب یازاراق الکللو ایچکیلره داها چوخ وئرگی قویولماسی چاغریسی ائتمیشدی.
مکتوبدا، ایچکینین خالق ساغلیغینا ضررلری ایله مباریزهده کیفایت قدر چالیشیلمادیغی قید ائدیلمیشدی.
