تورک مالی "بورون"

"بورون چئوره و اینسان دوستو، طبیعی مینرال‌لی بیر تمیزلیک محصولو"

1133660
تورک مالی "بورون"

انرژی و طبیعی قایناقار باخانی فاتح دؤنمز، یئرلی و میللی ایمکانلارلا بور عنصورون‌دان اورتیلن تمیزلیک محصولو "بورون"ون دونن ایستانبول‌دا ائدیله‌ن تانیتیم توپلانتیسین‌دا ایشتیراک ائتدی.

دؤنمز بوراداکی چیخیشین‌دا، بورونون چئوره و اینسان دوستو، طبیعی مینرال‌لی بیر تمیزلیک محصولو اولدوغونو سؤیله‌یرک، آرتیق بوتون دونیادا قایناغینی طبیعت‌دن آلان چئوره و اینسان دوستو، اورگانیک محصوللارا دؤنوشون سؤز قونوسو اولدوغونو و بورونون دا دیگر تمیزلیک محصوللارین‌دان بو نقطه‌ده آیریلدیغینی دئدی.

طبیعی اولمایان محصوللارین اینسان اورگانیزمین‌ده یاراتدیغی تخریباتین تئز تئز گؤرولدویونه دقت چکن دؤنمز،

"توپلومون بوتون فردلری بو وضعیت‌دن بیرباشا و یا دولایی اولاراق تأثیرلنیر. بورونون ایچینده اینسان و چئوره ساغلیغینی تهدید ائد‌ن نفت منشالی شیمیایی ماده‌لر و فسفات یئر آلمیر. ترکیبینین یوزده ۵۰دن چوخو طبیعی مینرال و بوراکسدان اولوشور. بئله‌لیکله، ایستیفاده‌دن سونرا آچیغا چیخان سو ایله چئوره‌میزی ده قورومایا آلیریق" دئیه دانیشدی.

دؤنمز، بوردان تمیزلیک محصولو چالیشمالارینین ۲۰۱۲ ایلینه قدر گئتدیگینی خاطیرلاداراق، او دؤورده بازارا گلن "ائتی ماتیک" محصولونون ده هر کسین تقدیرینی قازاندیغینی قید ائتدی.

دؤنمز، تورکیه‌نین بوردا خام ماده و محصول اولاراق آپاریجی اؤلکه مؤوقعیتین‌ده یئر آلدیغینی و دونیا بور رزرولرینین یوزده ۷۳وندن چوخونون تورکیه‌ده اولدوغونو دا سؤیله‌دی.

تورکیه‌نین دونیا بور بازارین‌داکی پایینین یوزده ۵۹ اولدوغونو دیله گتیره‌ن دؤنمز،

"۲۰۱۸ده بور صادراتین‌دا ۱ میلیارد دلار ایله رکورد قیردیق. اینشاالله قارشی‌داکی ایللرده بو رقمی آرتیراراق داوام ائدجییک. ۱۱۰ اؤلکه‌یه بور صادر ائدیریک. بو اؤلکه‌لرین آراسین‌دا ان بؤیوک رقیبیمیز آمریکا ایله ان بؤیوک موشتریلری اولان چین و هیندیستان دا یئر آلیر" دئدی.



ایلگیلی‌لی خبرلر