اؤزچکیم اوچون بعضی یئرلره قاداغا قویولدو
دونیانین فرق‌لی یئرلرینده ۲۵۹ نفر اؤزچکیم سیراسیندا اؤلدو
سون ۶ ایلده دونیادا ۲۵۹ نفر اؤزچکیم (سلفی) چکمک ایستیرکه‌ن حیاتینی ایتیردی.
۲۰۱۱-۲۰۱۷.جی ایللری آراسیندا بیر آراشدیرمایا گؤره، دونیانین فرق‌لی یئرلرینده ۲۵۹ نفر اؤزچکیم سیراسیندا اؤلدو.
آراشدیرما‌دا، اینسانلارین سوسیال مئدیا حسابلارین‌دا بگه‌نی توپلاماق اوچون یوکسک یئرلرده اؤزچکیم چکه‌رک حیاتلارینی ریسکه آتدیغی، حتی حیاتلارینی ایتیردیگی وورغولاندی.
بوغولما، نقلیات‌دا باش وئره‌ن قضالار، حیوان سالدیریلاری، الکتریک جریانینا قاپیلما و یانغین، بو ۲۵۹ اؤلومون ان یاییغین سببلری اولاراق آچیقلاندی.
آراشدیرمانی یئریدن قورولوش بو جور اؤلوملرین قارشی‌سینین آلینماسی اوچون، "سلفی‌یه قاداغان ساحه‌لر" معین اولونماسینی تکلیف ائتدی.
قاداغا ساحه‌لر آراسیندا، اؤلوملرین چوخونون اولدوغو داغ ذیروه‌لری، یوکسک بینالار و گؤللر ده یئر آلیر.
سون اولاراق گئچن آی آمریکادا ۱۸ یاشینداکی تومر فرانکفورتر ۲۵۰ متر هوندورلوک‌دن، استرالیادا ایسه ژوئیه آیین‌دا، ۱۹ یاشینداکی گوین زیمرمان اوچوروم کنارین‌دا، اؤزچکیم سیراسیندا دوشه‌رک حیاتینی ایتیرمیشدی.
آراشدیرمایا گؤره، بو دؤورده تورکیه‌ده ده ۵ نفر اؤزچکیم سیراسیندا حیاتینی ایتیردی.
ایلگیلی‌لی خبرلر
روسیه‌ده داشقینلار و سولار آلتیندا قالان ائولر
سو آلتیندا قالان ائولرین سایی 15 مین 641-ه یوکسلرکن، باغچالارین سایی 4 مین 13-ه چاتیب
