ایستی هاوا سون 200 ایلین رکوردونو قیریر

مئتورولوژی تخمین لرین قئیده آلینماغا باشلاندیغی 19-جو عصرین سونلاریندان‌ بو واختا قدر ان ایستی هاوا‌لار سون 4 ایلده یاشانیب.

1025554
ایستی هاوا سون 200 ایلین رکوردونو قیریر

امریکا آتمسفر ایداره‌سی سون ایللرده هاوا‌لارین ایستی کئچمه‌سی ایله باغلی آپاریلان آراشدیرمایا اویغون راپور آچیقلاییب.

راپوردا قلوبال ایستیلشمه‌نین سبب اولدوغو آغیر نتیجه لری و ایقلیم دییشیک‌لیگی ایله باغلی تحلیل‌لر یئر آلیب.

معلوماتا گؤره، مئتورولوژی تخمین لرین قئیده آلینماغا باشلاندیغی 19-جو عصرین سونلاریندان‌ بو واختا قدر ان ایستی هاوا‌لار سون 4 ایلده یاشانیب.

65 اؤلکه‌دن 500 متخصصین ایشتیراکی ایله حاضرلانان 300 صحیفه‌لیک راپوردا قئید اولونوب کی، 2017-جی ایل سون 200 ایلدکی ان ایستی ایللردن بیری اولوب. بونون نتیجه‌سینده پلانتیمیزده کربن دی اکسید و متان گازی‌نین میقداری آرتیب. دنیز سویونون عمومی سویه‌سی ایسه 1993-جو ایلله موقاییسه‌ده اورتا حسابلا 7،7 سانتی متر یوکسلیب.

بون‌دان باشقا، قطب لرده بوز طبقه‌لری‌نین اریمه پروسئسی‌نین ده سورتلندیگی قئید اولونوب.



ایلگیلی‌لی خبرلر