ایراندا حیوانلاردا طاعون گؤرولدو
"لازیم تدبیرلر گؤرولمه‌سه یولوخوجو خسته‌لیک دیگر حیوانلارا دا ضرر وئره‌جک‌دیر"
ایران مجلسی بم ملت وکیلی حبیب‌الله نیکزادی‌پناه، کرمان ایالتین‌ده داغ مارالی و قوچلارین دا آرالارین‌دا اولدوغو ۷۰ حیوانین طاعون خسته‌لیگین‌دن تلف اولدوغونو دئدی.
ایران مجلسی خبر آژانسینا دانیشان نیکزادی‌پناه، "خبر میلی پارکین‌دا طاعون خسته‌لیگین‌دن آرالارین‌دا داغ مارالی و قوچلارینین اولدوغو ۷۰ حیوان تلف اولدو" دئدی.
قاچاق یوللارلا اؤلکه‌یه گتیریلن حیوانلارین طاعونا سبب اولدوغونو ادعا ائدن نیکزادی‌پناه،
"بئله بیر طاعون، قاچاق حیوانلاردا اولان کنه‌لردن گئچیر. لازیم تدبیرلر گؤرولمه‌سه یولوخوجو خسته‌لیک دیگر حیوانلارا دا ضرر وئره‌جک‌دیر" دئدی.
تخمیناً ۲۰ ایلده‌ن بو یانا کرمان ایالتین‌ده قوراقلیغین حاکم اولدوغونا ایشاره ائدن نیکزادی‌پناه،
"قوراقلیق وحشی و یا آخیر حیوانلارینین بوتونونو خسته‌لیکلره قارشی ضعیفلتمیشدیر. سوسوزلوق وحشی حیوانلارلا ائو حیوانلارینین اورتاق اوتلاقلاردان سو ایچمه‌سینه سبب اولور" ایفاده‌لرینی ایشلتدی.
