دونیانین ان اسکی حیوان آیاق ایزی تاپیلدی
ایزلرین ۵۴۱-۵۵۱ میلیون ایل اؤنجه‌سی دؤنمه عاید اولدوغو معین ائدیلدی
چین‌ده بیر حیوانا عاید دونیانین ان اسکی آیاق ایزی تاپیلدی.
شینهوا آژانسینین خبرینه گؤره، اولکه‌نین یانگزی چایی یاخینلارین‌دا ۳ گئچید بؤلگه‌سینده چین بیلیملر آکادمیسی بنیه‌سینده فعالیت گؤستره‌ن نانجینگ ژئولوژی و پالئونتولوژی انستیتوسو و ویرجینیا تکنولوؤی اونیورسیته‌سین‌دن بیلیم آداملارینین اورتاق یئریتدیگی چالیشمادا دونیانین ان اسکی حیوانینا عاید آیاق ایزی کشف ائدیلدی.
بیر نئچه میلیمتر اوزونلوغون‌دا بیر اهک داشی فسیلی اوزرین‌ده راستلاندیغی قید ائدیلن آیاق ایزینه دایر آپاریلان چالیشمالاردا، بو ایزلرین ۵۴۱-۵۵۱ میلیون ایل اؤنجه‌سی دؤنمه عاید اولدوغو معین ائدیلدی.
فسیللرده راستلانان آیاق ایزلرینین ایکی فرق‌لی نقطه‌ده دوزنسیز بیر حال‌دا اولدوغو قید ائدیله‌رک، بو ایزلرین ۲ متقارن اؤلچویه صاحب حیوانلارا عاید اولابیله‌جگینه دقت چکیلدی.
دیگر طرف‌دن، حیوانلارین تکامولو قونوسون‌دا اؤنملی بیر دلیل اولدوغو تخمین ائدیله‌ن بو میلیونلارجا ایل اؤنجه‌سینه عاید آیاق ایزینین اونمورغاسیز جانلیلاردان آرتروپودا و یا آنلید نؤوعونون آتالارینا عاید اولابیله‌جگی تخمین ائدیلیر.
