یانارداغ تهلوکه پوسکورور
وولکانینین ۲۰۱۰.جو ایلده پوسکورمه سببی ایله ۳۴۷ نفر حیاتینی ایتیرمیشدی
اندونزینین اورتا یاوا بؤلگه‌سین‌ده‌کی مراپی یانارداغی اوچون ۲.جی سویه‌ده اویاری وئره‌رک یاخینلیغین‌دا یاشایانلارین گوونلی بیر بؤلگه‌یه تخلیه‌سی تامین اولوندو.
اندونزینین وولکانولوژی و ژئولوژی فلاکت آزالتما مرکزی، دونن‌دن بو یانا میدانا گلن ۴ کیچیک میقیاس‌لی پاتلاما اوزرینه مراپی وولکانی اوچون ان یوکسک ۲.جی سویه‌ده اویاری سیگنالی وئریلدیگینی بیلدیردی.
مرکز، داغین ذیروه‌سینه چیخماق و ذیروه‌نین ۳ کیلومترلیک ساحه‌سین‌ده ده فعالیت ائتممک قونوسوندا اویاردی.
میلی فلاکت یؤنتیم آژانسی سؤزچوسو سوتوپو پوروو نوگروهو ایسه وولکان اطرافین‌دا تهلوکه‌لی بؤلگه‌ده یاشایان تخمیناً ۶۶۰ نفرین تهلوکه‌سیز ساحه‌یه تخلیه ائدیلدیگی معلوماتینی پایلاشدی.
بو آرادا، مراپی وولکانین‌دان ۱۱ می‌ده ۵ مین ۵۰۰ متر هوندورلویونه قدر کول و توستو پوسکورمه‌سی سببیله بؤلگه‌ده‌کی آدیسوتژیپتو هاواآلانی موقتی اولاراق اوچوشلارا باغلانمیشدی.
یاوا آداسین‌دا یئرلشن ۲ مین ۹۶۸ متر یوکسکلیین‌ده‌کی مراپی وولکانینین ۲۰۱۰.جو ایلده پوسکورمه سببی ایله ۳۴۷ نفر حیاتینی ایتیرمیشدی.
زلز‌له و وولکان قورشاغین‌داکی اندونزیده ۱۳۰ آکتیو یانارداغ وار.
