کنیادا قوراق‌لیقلا موباریزه
کنیادا اوزون مدت‌دیر داوام ائدن قوراق‌لیق سببین‌دن سو منبع‌لرینی قوروماق و ویران اولان بیتکی اؤرتوگونو یئنی‌دن جانلان‌دیرماق مقصدیله بیر آیدا 1 میلیون فیدان اکیله‌جک
کنیادا قوراق‌لیقلا موباریزه
کنیادا اوزون مدت‌دیر داوام ائدن قوراق‌لیق سببین‌دن سو منبع‌لرینی قوروماق و ویران اولان بیتکی اؤرتوگونو یئنی‌دن جانلان‌دیرماق مقصدیله بیر آیدا 1 میلیون فیدان اکیله‌جک.
کاکامگا ایالت والیسی فردیناند وایتیتو، ژورنالیست‌لره ائتدیگی آچیقلامادا، سون ایللر اؤلکه‌ده باش وئرن قوراق‌لیق و قاچاق آغاج طبقه اوزون‌دن خاراب اولان مئشه‌لری اوّلکی حالینا قوووش‌دورماق و سو منبع‌لرینی قوروماق مقصدیله یالنیز کاکامگا ایالتینده 1 میلیون فیدان تیکیله‌جگینی دئییب.
وایتیتو، آوریلین اورتا‌لارینا دوغرو حیاتا کئچیریلمه‌سی پلان‌لاش‌دیریلان پروژه چرچیوه‌سینده، ایالت‌دکی دولت اراضی‌لری و مئشه‌لرین یانی سیرا ائولرین هیات‌لرینه ده فیدان تیکیله‌جگینی و بورادا آمریکان آرمودو کیمی قوراقلیغا داوام‌لی آغاج‌لارین اولاجاغینی ایفاده ائتدی.
والی وایتیتو، " اکینچیلر چئوره‌نی قوروماق اوچون تلاش صرف ائتمه‌لی و داها آرتیق آغاج اکمه‌لی، نه قدر چوخ آغاج اکیلسه او قدر چوخ یاغیش ایمکانی یارانیر" دئیه دانیشدی.
کنیا قیزیل خاچ باش کاتیبی عباس گولئد، 22 فوریه‌ده وئردیگی آچیقلامادا، کنیا‌داکی قوراقلیغین گون‌دن-گونه پیسلشدیگینی قید ائده‌رک اؤلکه ایچینده اوزون سورن قوراق‌لیق سببی ایله 3.4 میلیون اینسانین آجلیق تهلوکه‌سی ایله قارشی-قارشییا اولدوغونو بیلدیرمیشدی.
کنیا حاکمیتی، قوراق‌لیق سببی ایله بیر ایل اوّل میلّی فلاکت اعلان ائتمیشدی.
