1 تن ماموت دیشی تاپیلدی

تریلرلردن بیرین‌دکی گیزلی بؤلمه‌لرده 1 تن ماموت دیشی، 73 کیلوگرام کرگدن بوینوزو و 1 تن دا یئشیم داشی اله گئچیریلدی

711229
1 تن ماموت دیشی تاپیلدی

چینین قوزئی دوغوسونداکی هیلونگ‌جیانگ ایالتینده روسیا‌دان قاچاق آپاریلان 1 تن ماموت دیشی تاپیلدی.

گؤمروک یئتکی‌لی‌لری، روسیا‌دان چینه سویا داشیدیغی بیان ائدیلن 6 تریلردن بیری‌نین آغیرلیغی‌نین اوبیریلرین‌دن فرق‌لی اولماسی سببیله آراجلاری کنترل ائتدی.

سون ایللرین ان بؤیوک قاچاقچی‌لیق اولای‌لارین‌دان بیری‌نین اورتایا چیخاریلدیغی کنترللاردا تریلرلردن بیرین‌دکی گیزلی بؤلمه‌لرده 1 تن ماموت دیشی، 73 کیلوگرام کرگدن بوینوزو و 1 تن دا یئشیم داشی اله گئچیریلدی.

تریلرین سوروجوسو و صاحبی گؤزآلتینا آلیندی.

بوز چاغیندا یاشایان و سوی‌لاری توکنن ماموت‌لارین حیات ساحه‌لرین‌دن بیری‌نین روسیانین سیبری بؤلگه‌سی اولدوغو سانیلیر.

سیبریده‌کی توندرا‌لاردا قار اریمه‌سیله ماموت اسکلتی اورتایا چیخیر. ماموت دیش‌لری، اووچولار طرفین‌دن توپ‌لانیر. بؤلگه‌ده گوونلیک تدبیرلری داها دا آرتیریلدی.


اتیکتلر: #ماموت , #چین , #قاچاق

ایلگیلی‌لی خبرلر