سیحیرلی تویوق آیام سمانی

جاوه آداسیندا یئتیشدیریلن قارا تویوق‌لارین قانی و یومورتاسی خاریج باشقا بوتون اؤزللیک‌لری نورمال تویوق‌لاردان فرق‌لی

677034
سیحیرلی تویوق آیام سمانی

اندونزی‌ده یئتیشدیریلن، پیپیگیندن آیاغینا، حتی ایچ اورگان‌لارینا قدر قارا اولان آیام سمانی جینسی تویوق‌لارین گیزملی اولدوغونا اینانیلیر.

جاوه آداسیندا یئتیشدیریلن قارا تویوق‌لارین قانی و یومورتاسی خاریج باشقا بوتون اؤزللیک‌لری نورمال تویوق‌لاردان فرق‌لی.

پیپیگی، آیاغی، گؤزلری، توک‌لری، اتی و ایچ اورگان‌لاری قارا اولان آیام سمانی تویوغو، فرق‌لی گؤرونوشویله جاوه بؤلگه‌سینده اؤزل گوج‌لره صاحب بیر جان‌لی اولا‌راق قبول ائدیلیر.

اندونزی‌ده 15.جی عصرده ماژاپاهیت کراللیغیندان گلن اینانیشا گؤره، آیام سمانی تویوغونون گوج و برکت گتیردیگی، بسلندیگی یئری بلا‌لاردان قورودوغو دوشونولور.

بؤلگه‌ده آچیلیش‌لار، مراسیم‌لر و قوتلامالاردا دا پیس‌لیک‌لردن قورونماق اوچون آیام سمانی تویوغو کسیلیر.

آیام سمانی تویوغونون یومورتاسی نورمال تویوقلارین‌کی کیمی آغ، آنجاق اؤلچوسو نورمال‌دان کیچیک.

آیام سمانی خوروزلاری‌نین آغیرلیغی 3 کیلوگراما قدر چاتابیلیر.

اندونزی‌ده قیمتی 300 ایله 500 دولار آراسیندا دییشن آیام سمانی تویوغو، یورددیشیندان 5 مین د‌لارا بئله ساتیلیر.

فرق‌لی گؤرونوشو و باها‌لی اولماسی‌نین یانیندا آیام سمانی تویوغونون ساغلیغا فایدا‌لی اولدوغو ایفاده ائدیلیر.

تویوغون اتی و قانی‌نین آسم کیمی تنفس یول‌لاری خسته‌لیگینه یاخشی گلدیگینه و بدنه دیرنج وئردیگینه اینانیلیر.

بیلیم آدام‌لاری‌نین آراشدیرماسینا گؤره، آیام سمانی تویوق‌لاری‌نین قارا رنگی‌نین سببی آسیادا اورتایا چیخان و زامانلا آوروپایا دا سیرایت ائدن بیر نؤوع ژنتیک موتاسیون.

بو موتاسیون، تویوق‌لاری‌نین نورمال بیر تویوق‌دان اون قات داها چوخ ملانین اورتمه‌سینه سبب اولور.

اینسان دری‌سینده، ساچیندا و بئینین بعضی بؤلگه‌لرینده ده اولان توخ رنگ‌لی پیگمنت‌لر اولان ملانینلرین چوخالماسی معناسینی گلن و "فیبروملانوس" آدییلا آنیلان بو ژنتیک دورومون هر هانسی بیر ضرری‌نین اولمادیغی ایفاده ائدیلیر.



ایلگیلی‌لی خبرلر