تورکیه‌ده اورتا عؤمور مدتی 78 ایلدیر
تورکیه‌ده اورتا عؤمور مدتی دییشمه‌دی، یئنه 78 ایل اولا‌راق حسابلاندی.
تورکیه ایستاتیستیک قورومو (TÜİK) حیات تابلولاری 2013-2015 ایستاتیستیک رقملرینی آچیقلادی. آچیقلامادا گؤزله‌نیلن اورتا عؤمور مدتی‌نین تورکیه اوچون بوتؤولوکده 78 ایل اولا‌راق معین لشدیریلدیگی بیلدیریلیر. 2014-جی ایلده ایسه بو رقم 78 ایل اولا‌راق حسابلانمیشدی.
گؤزله‌نیلن اورتا عؤمور مدتی کیشی‌لرده 75،3 ایل، قادین‌لاردا 80،7 ایل اولا‌راق معین اولوندو. قادین‌لار کیشی‌لردن داها اوزون مدت یاشادیق‌لاری اوچون گؤزله‌نیلن اورتا عؤمور مدتینده‌کی فرق 5،4 ایل اولور.
تورکیه‌ده 30 یاشیندا بیر اینسان اوچون اورتا حسابلا 49،7 ایل قالان حیات مدتی، کیشی‌لرده 47،1 ایل، قادین‌لاردا 52،1 ایل اولا‌راق تثبیت اولوندو. بو یاش اوچون قادین و کیشی آراسیندا گؤزله‌نیلن حیات مدتی فرقی 5 ایل اولا‌راق حسابلاندی.
تورکیه داخیلینده 50 یاشینداکی بیر آدامین قالان حیات مدتی اورتا حسابلا 30،6 ایل، بو مدت کیشی‌لرده 28،3 ایل، قادین‌لاردا 32،8 ایل اولا‌راق معینلشدیریلدی.
تورکیه‌ده 65 یاشیندا اولان بیر نفرین قالان حیات مدتی اورتا حسابلا 17،8 ایل اولا‌راق قئید اولوندو، بو مدت کیشی‌لرده 16،1 ایل، قادین‌لاردا 19،4 ایلدیر.
