باجا کالیفورنیا یاریماداسیندا ساحیله ووران 27 پیلوت بالینا‌دان 24-و اؤلدو
کیچیک بالینا نوعلری آراسیندا یئر آلان و اورتالاما 5 متر اولان پیلوت بالینا‌لارین زامان زامان ساحیله ووردوغو بیلینیر
491854
مکزیک‌ین باجا کالیفورنیا یاریماداسیندا ساحیله ووران 27 پیلوت بالینا‌دان 24-و اؤلدو.
مکزیک دونانماسیندا ائدیلن آچیقلامایا گؤره، یالنیز اوچ بالینا سویا دؤندوروله‌بیلدی.
آچیقلامادا، ساحیله ووران پیلوت بالینا‌لارین یولونو ایتیرمیش اولا بیله‌جگی، اؤلن 24 بالینا‌دان هر هانسی بیر یارالانما ایزینه راست گلینمدیگی قید ائدیلدی.
کیچیک بالینا نوعلری آراسیندا یئر آلان و اورتالاما 5 متر اولان پیلوت بالینا‌لارین زامان زامان ساحیله ووردوغو بیلینیر.
آنجاق بو جان‌لی‌لارین نیه بئله ایش گؤردوکلرینه هله علمی آچیقلاما گئتیریله‌میر.
متخصص‌لر، یؤنلرینی ایتیرمه‌لری‌دیر، خسته‌لیک و یا کوتلوی حرکت ائتمه‌لری سببیله بیری‌نین انتحار حرکتینی تقلید ائتمه وضعیتی‌نین بونون آرخاسیندا یاتان احتیمال‌لار آراسیندا اولدوغونو ایفاده ائدیر.
