تسه تسه میلچگینین سیری چؤزولدو
آفریقادا اینسانلاردا یوخو، حیوانلاردا ایسه ناگانا خستهلیگینه سبب اولان چئچه میلچگی ایله مباریزهده اؤنملی بیر ایرهلیلمه تامین ائدیلمیش اولدو
آمریکاداکی یاله اونیورسیتهسی بیولوژی و بیوطب بیلیملر بؤلومو اپیدمیولوژی و میکروب خستهلیکلر آنا بیلیم دالیندا گؤرهولی تورک بیلیم اینسانی پروفسور دکتر سراب آکسوی باشقانلیغینداکی ۱٤۰ نفرلیک اولوسلارآراسی قروپ، ۱۰ ایل داوام ائدن آراشدیرمالار نتیجهسینده، اؤزللیکله آفریقا قارهسینده اؤلومجول یوخو خستهلیگینین داشیییجیسی اولان چئچه/تسه تسه میلچگینین ژن خریطهسینی چیخارتدی. بو سایهده آفریقادا اینسانلاردا یوخو، حیوانلاردا ایسه ناگانا خستهلیگینه سبب اولان چئچه میلچگی ایله مباریزهده اؤنملی بیر ایرهلیلمه تامین ائدیلمیش اولدو.
الده ائدیلن تاپقیلار پرستیژلی بیلیم درگیلریندن ساینسدا یاییملاندی. پروفسور دکتر سراپ آکسوی، چئچه میلچگینین یالنیز آفریقا قارهسینده یاشادیقلارینی و اؤزللیکله چؤل بؤلگهلرینده، داشیدیقلاری تریپانوزوما پارازیتیندن دولایی اینسان و حیوان ساغلیغینی تهدید ائتدیکلرینی ایفاده ائتدی.
آکسوی، "آراشدیرما اکیبیمیزین الده ائتدیگی ژن خریطهسی وئریلری سایهسینده میلچگین اؤزللیکله قوخو آلما، گؤرمه، باغیشیقلیق سیستمی و اورهمه فیزیولوژیسینده رول اوینایان اؤنملی ژنلر و پروتئینلر حاقیندا چوخ اؤنملی بیلگیلر الده ائدیلمیش دورومدا. بو تاپقیلار ایشیغیندا چئچه میلچگی ایله مباریزهده یئنی دوزاقلار و داها تأثیرلی هدف یئرلری گلیشدیریلهبیلیر" دئدی.
میلچگین چوخالماسیندا گؤرولن ماراقلی آرتما شکلی ایله ایلگیلی بیر چوخ یئنی ژنین ده کشف ائدیلدیگینه دقت چئکن پروفسور دکتر سراپ آکسوی، "آنا میلچک، سانکی ممهلیلرده اولدوغو کیمی رحمینده سود بئزیندن سالقیلانان سود ایله بالاسینی بسلهمکده و هر ۱۰ گونده بیر یالنیز بیر بالا دوغورماقدادیر. بو سببدن بیر دیشی میلچک ۳-٤ آیلیق حیاتی بویونجا آنجاق ۸-۱۰ بالا دوغورماقدا" دئدی.
آکسوی، تثبیت ائدیلن توپورجک بئزی و باغیرساق پروتئینلری سایهسینده اؤزللیکله حیوانلاردا آشی گلیشدیریلهبیلهجگینی ایفاده ائتدی.
ایلگیلیلی خبرلر
روسیهده داشقینلار و سولار آلتیندا قالان ائولر
سو آلتیندا قالان ائولرین سایی 15 مین 641-ه یوکسلرکن، باغچالارین سایی 4 مین 13-ه چاتیب