مرس ویروسونا قارشی آنتی‌کور تاپیلدی

آمریکا‌لی بیلیم اینسان‌لاری، عربیستاندا ۱۰۰دن چوخ انسانین اؤلومونه یول آچان مرس ویروسونا قارشیائتکیلی آنتی‌کورلار تاپدی

61768
مرس ویروسونا قارشی آنتی‌کور تاپیلدی


اورتادوغو تنفس سندرمو (مرس) ویروسونا قارشی ائتکیلی آنتی‌کورلار تاپیلدی.
آمریکا‌لی بیلیم اینسان‌لاری، عربیستاندا ۱۰۰دن چوخ انسانین اؤلومونه یول آچان مرس ویروسونا قارشیائتکیلی آنتی‌کورلار تاپدی. دانا - فاربر سرطان انستیتوسون‌دان بیلیم اینسان‌لاری، ایزوله ائدیلن آنتی‌کور‌لارین، ویروسون حجره‌لره ضرر وئرن آنا بؤلوم‌لرین‌دن بیرینی ائتکیسیز حالا گتیره بیلدیگینی ایفاده ائتدی. آنتی‌کور‌لارین، دانا فاربردا بیر دوندوروجودا ساخلانان ۲۷ میلیارد اینسان آنتی‌کورونون اولدوغو بانکدا فیکسه ائدیلدیگی وورغولاندی.
دانا فاربرین، دونیانین ان بؤیوک آنتی‌کور بانکلارین‌دان بیرینه صاحب اولدوغونا دقت چئکن بیلیم اینسان‌لاری، تاپیلان ۷ آنتیکورون مرسی انگلله‌یه‌بیلمه اؤزللیگینه صاحب اولدوغونو، ۷ آنتی‌کوردان بیری‌نین میمون‌لار و سیچان‌لار اوزرینده دنه‌نمک اوچون آیریلدیغینی ایفاده ائتدی.
آنتی‌کور‌لارین تاپیلماسی تنفس یول‌لارینی ائتکیله‌ین‌، قیزدیرما، اؤکسورک، نفس دارلیغی، قارین آغری‌سی، ایسهال و قوسما علامت‌لری گؤسترن خسته‌لییه قارشی معا‌لیجه اصول‌لاری‌نین گلیشدیریلمه‌سینه ایشیق توتور.
باغیشیقلیق سیستمی‌نین اورگانیزمه عاید اولمایان اورگانیک یاپیلارا قارشی گلیشدیردیگی مولکول‌لار اولان آنتی‌کورلار‌، اورگانیزمی دیش مولکول‌لارین ضررلی تأثیرلرینه قارشی اویاراراق قوروما تامین ائدیر.


اتیکتلر:

ایلگیلی‌لی خبرلر