ساوونما صنایعسی صادراتدا رکورد قیردی: 16%-لیک آرتیم!
تورکیهنین ساوونما و هاواجیلیق صنایعسی بو ایلین ژانویه آییندا صادراتینی 16% آرتیراراق 383 میلیون دولارا چاتدیردی و یئنی بیر رکوردا ایمضا آتدی.

ساوونما و هاواجیلیق صنایعسی بو ایلین ایلک آییندا اؤتن ایلین عینی دؤورو ایله موقاییسهده 16%-لیک آرتیملا یئنی بیر رکوردا ایمضا آتیب.
ساوونما صنایعسی کومیتهسینین صدری هالوک گؤرگون، ایکس حسابیندا پایلاشیم ائدهرک دایانیقلی صادرات هدفلرینه گوجلو و ایناملی آددیملارلا باشلادیقلارینی وورغولاییب. او، ساوونما و هاواجیلیق صنایعسی صادراتینین ژانویه آییندا اؤتن ایلین عینی دؤورو ایله موقاییسهده 16% آرتاراق 383 میلیون 148 مین دولار اولدوغونو بیلدیریب.
گؤرگون قئید ائدیب:
"ساوونما و هاواجیلیق صنایعسی صادراتیندا سون ایکی ایلده (ژانویه 2023-2025) 281 میلیون دولاردان 383 میلیون دولارا یوکسهلهرک 36%-لیک بیر آرتیم الده ائتدیک. دونیانین هر یئرینه صادرات ائده بیلن ساوونما صنایعسی شیرکتلریمیز کئچن ایل 180 فرقلی اؤلکهیه محصول صادر ائدهرک بؤیوک بیر رکوردا ایمضا آتدی. قارشیداکی دؤورده هم ایری شیرکتلریمیزی، هم ده کیچیک و اورتا موسسهلریمیزی (کوبی) دستکلهیهرک صادر ائدن شیرکتلرین سایینی آرتیرماق اوچون اولوسلار آراسی فعالیتلریمیزی داوام ائتدیرجییک."