ایران‌ قانونسوز ماینرلر حاقیندا معلومات وئرنلره ۵۰ میلیون تومن موکافات تعیین ائدیب

ایران‌ین ائلئکتریک ائنئرژیسی ایستئحصالی، انتقال و پایلانماسی اداره‌سی (توانیر) قانونسوز کریپتو پول اولان بیت کوین‌ین‌ حاصیلاتینا دایر راپور وئرنلره ۵۰ میلیون تومن موکافات تعیین ائدیب.

ایران مئدیاسینین وئریگی معلوماتا گؤره، توانیر شیرکتینین انتقال و خاریجی تیجارت اوزره باشقان یاردیمجیسی محمد اله‌داد بیلدیریب کی، «ایقتصادی غیر-ثابیتلیک، ائلئکتریک سانترللرینین یاناجاغینا محدودیتلر و قانونسوز مصرفلر» ایران‌دا سون واختلار ائلئکتریک ائنئرژیسی بالانسینین پوزولماسینین ان اؤنملی سببلری آراسیندادیر. ائلئکتریک ائنئرژیسی بالانسینین پوزولماسینین یئگانه سببی قانونسوز ماینرلردیر.

او، همچینین ایران‌دا آشکار ائدیلن بیت کوین تصروفاتلارینین ۹۵٪-نین ایجازه‌سیز ائلئکتریک شبکه‌سیندن ایستیفاده ائتدییینه دقت چکیب و علاوه ائدیب: وطنداشلار ایجازه‌سیز کریپتووالیوتا حاصیلاتی گؤرسه‌لر، بو باره‌ده معلومات وئرسینلر. وئریلن بو معلوماتا هر ماینر جیهازی باشینا 1 میلیون تومن و لاپ چوخو ۵۰ میلیون تومنه قدر موکافات وئریله‌جک.