تورکیه نووا وئرا "Nova Vera" دونیانین ان یاخشی زیتون یاغی سئچیلدی

۲۸ اؤلکه‌ده کئچیریلن بین الخلق زیتون یاغی یاریشمالاریندا، بالی‌کثیر آیوالیک‌دا یئرلشن نووا وئرا "Nova Vera" مارکی بیرینجیلیک قازاناراق "دونیانین ان یاخشی زیتون یاغی ایستئحصالچیسی" سئچیلدی.

شیرکتین قوروجوسو باهار آلان، کیفیتلی و ساغلام ایستئحصال پرینسیپینی سئچدیکلرینی و بو اوغورو داوام ائتدیره‌رک داها چوخ انسانا چاتماغی هدفلدیکلرینی بیلدیریب.

ائوو وورلد رنکینگ "EVOO World Ranking" پلاتفورماسی بیر چوخ اؤلکه‌دن بیر چوخ ایستئحصالچینین ایشتیراک ائتدییی ایل عرضینده کئچیریلن ۳۵ موختلیف زیتون یاغی موسابیقه‌سینین نتیجه‌لرینه اساساً ان یاخشی زیتون یاغلارینی و اونلارین ایستئحصالچیلارینی موعیینلشدیریر.

ائوو وورلد رنکینگ پلاتفورماسیندا ان یوکسک سوییه‌لی محصوللار موکافاتلاندیریلیر و موکافات قازانان زیتون یاغلاری دونیایا تانیدیلیر.

بو یوللا دونیادا هانسی سیزما زیتون یاغلارینین داها چوخ قیمتلندیریلدی‌یینی، هانسینین چئشید و نوع باخیمیندان ان یاخشی اولدوغونو و دونیانین هانسی بؤلگه‌سیندن گلدییینی اؤیرنمک مومکوندور.