تورکیه‌نین اکتبر آییندا صادراتی ۲۳،۵ میلیارد دولار اولدو
اکتبر آییندا آلمان ۱ میلیارد ۷۹۵ میلیون دولارلیق صادرات ایله اؤلکه‌لر آراسیندا بیرینجی اولوب
تورکیه‌نین اکتبر آییندا صادراتی ۲۳،۵ میلیارد دولار اولدو.
تورکیه آمار تشکیلاتی اکتبر آیی اوچون گئچیجی خاریجی تیجارت بیلگیلرینی آچیقلاییب.
بونا گؤره صادرات اکتبر آییندا بیر اولکی ایلین عینی آیینا گؤره یوزده ۳،۱ آرتاراق ۲۳ میلیارد ۵۰۰ میلیون دولارا چاتدی.
صادراتدا تولید صنایعسینین پایی یوزده ۹۳،۳، اکینچیلیق، مئشه تصروفاتی و بالیقچیلیق سئکتورونون پایی یوزده ۳،۶، معدن‌چیخارما و کارخانالارین حاصیلاتی سئکتورونون پایی یوزده ۲،۵ اولوب.
اکتبر آییندا آلمان ۱ میلیارد ۷۹۵ میلیون دولارلیق صادرات ایله اؤلکه‌لر آراسیندا بیرینجی اولوب. بو اؤلکه‌نی ۱ میلیارد ۵۶۲ میلیون دولار ایله آمریکا بیرلشمیش دؤولتلری، ۱ میلیارد ۲۹۴ میلیون دولار ایله بؤیوک بریتانیا، ۱ میلیارد ۲۳۶ میلیون دولار ایله عراق، ۱ میلیارد ۱۵۹ میلیون دولار ایله ایتالیا ایزله‌دی.
ایلک ۵ اؤلکه‌یه ائدیلن صادرات، عمومی صادراتین یوزده ۳۰-نو تشکیل ائدیب.
