تورکیه‌نین کرئدیت درجه‌سی یوکسلدی

اولوسلار آراسی کرئدیت درجه‌لندیرمه آژانسی استاندارد اند پورز (standart&poors) تورکیه‌نین کرئدیت درجه‌سینی "B+"دان "BB-"یه یوکسلدیب و کرئدیت درجه‌سینین گؤرونومونون "ثابت" اولاراق تعیین ائدیب.

s&p تورکیه ایقتیصادی ایله باغلی قیمتلن‌دیرمه‌سینی آچیقلاییب.

کرئدیت درجه‌لندیرمه آگئنتلیینین وئردیی آچیقلامادا تورکیه‌نین اوزون موددت‌لی کرئدیت درجه‌سینین "ب+"دان "ب‌ب-"یه یوکسلدیی، کرئدیت درجه‌سینین گؤرونومونون ایسه "ثابت" اولدوغو بیلدیریلیب. عینی زاماندا قئید اولونوب کی، اؤلکه‌نین قیساموددت‌لی کرئدیت درجه‌سی "ب" سوییه‌سین‌ده تصدیقلنیب.

آچیقلامادا تورکیه جمهوریتی مرکزی بانکینین (تجمب) سرت پول سیاستی مؤوقعیینین تورکیه مسئوللارینا لیره‌نین مزه‌ننه‌سینی ثابیتلش‌دیرمه‌یه، اینفلیاسیونون آزالدیلماسینا، رزرولرین یئنی‌دن قورولماسینا و مالییه سیستئمینی دولارسیزلاشدیرماغا ایمکان وئردیگی بیلدیریلیب.

آچیقلامادا تورکیه‌نین دونیا اؤلکه‌لری ایله تصرروف آچیغینین دارالدیغی و بو وضعیتین 2022-جی ایلد‌ن اعتباراً جاری عملیاتلار آچیغینین عمومی ایچ گلیره (اودم) نیسبت ایله تخمیناً 4 بندلیک آزالمادا گؤرولدویو بیلدیریلیب.

آچیقلامادا گؤرونومون ایستابیل اولدوغو، حاکمیتین هله ده یوکسک اینفلیاسیونو آزالتماق، ایشچیلرین معاشی گؤزلنتیلرینی مودیریت ائتمک و تورکیه ایقتیصادینی یئنی‌دن بالانسلاش‌دیرماق کیمی ادعالی پلانلارینا قارشی 12 آی عرضین‌ده بالانسلاشدیریلمیش ریسکلری عکس ائتدیردیگی قئید ائدیلیب.

s&p سون اولاراق مای آیین‌دا تورکیه‌نین کرئدیت درجه‌سینی "ب"دن "ب+" اولاراق یوکسلدیب، کرئدیت درجه‌سینین گؤرونومو ایسه "مثبت" اولاراق ساخلاییب.