تورکیه‌نین قهوه صادراتی آرتدی
تورکیه ۵ ایلده قهوه‌دن ۱۵۴.۷ میلیون دولار صادرات گلیری الده ائدیب
تورکیه ۵ ایلده قهوه‌دن ۱۵۴.۷ میلیون دولار ایخراج گلیری الده ائدیب.
«دونیا قهوه گونو» ۲۰۱۵-جی ایلدن بری هر ایل اکتبرون ۱-نده رسمی اولاراق قید اولونور.
قهوه‌نین ایقتصادی دَگری و سوسیال تأثیرلری حاقیندا بیلگی آرتیرماق اوچون بوگونکو چابالارین بیر حیصّه‌سی اولاراق، داواملی قهوه ایستئحصالی‌نین اؤنمینه دقت یئتیریلیر.
قهوه دنه‌لری تورکیه‌ده یئتیشمه‌سه ده، محصول بو اؤلکه‌ده ایشله‌نیب صادر ائدیلیر.
تورکیه‌نین قهوه و قهوه محصوللاری صادراتی۲۰۲۰-۲۰۲۴-جو ایلین آقوست آیلارینی احاطه ائدن تخمینا ۵ ایلده ۱۵۴ میلیون ۶۹۰ مین ۸۸۱ دولار اولدو.
قهوه صادراتی گلیری ۲۰۲۰-جی ایلده ۲۰.۲ میلیون دولار ایکن، ۲۰۲۱-جی ایلده ۲۳.۸ میلیون دولار، ۲۰۲۲-جی ایلده ۳۶،۵ میلیون دولار و ۲۰۲۳-جو ایلده ۳۹.۷ میلیون دولارا یوکسلیب.
تورکیه‌نین ساتدیغی قهوه‌یه ان چوخ طلب گؤسترن اؤلکه‌لر ایللر عرضینده موختلیف اولوب.
گئچه‌ن ایل ان چوخ قهوه ایخراج ائدن اؤلکه‌لر آمئریکا، هلند، قوزئی قیبریس تورک جمهوریتی، بئلاروس و سعودی عربیستان اولوب.
بو مدتده تورکیه‌نین قهوه‌لری ۱۴۶ اؤلکه‌نین آغزین دادینی دئگیشدیریب.
بو ایلین ژانویه-آقوست آیلاریندا صادرات حجمی ۳۴،۵ میلیون دولار سویه‌سینده اولوب.
تورکیه‌نین ان چوخ قهوه ساتدیغی اؤلکه‌لر برزیل، هلند و آلمان اولوب.
