تورکیه مرکز بانکی رزرولاری رئکورد قیردی

تورکیه جمهوریتی مرکزی بانکینین جمعی رزرولری 20 سپتامبر هفته‌سین‌ده بیر اوّلکی هفته‌یه گؤره 2 میلیارد 842 میلیون دولار آرتاراق 156 میلیارد 392 میلیون دولارا چاتاراق، بوتون زامانلارین ان یوکسک سوییه‌سینه چاتیب.

تورکیه جمهوریتی مرکزی بانکی هفته‌لیک پول و بانک ایستاتیستیکینی آچیقلاییب.

بونا گوره، 20 سپتامبر تاریخینه مرکزی بانکین عمومی یابانجی پول رزرولری 1 میلیارد 954 میلیون دولار آرتاراق 94 میلیارد 109 میلیون دولار اولوب. عمومی یابانجی پول رزرولری سپتامبرین 13-ده 92 میلیارد 155 میلیون دولار سوییه‌سین‌ده اولوب.

بو دؤورده قیزیل رزرولری 888 میلیون دولار آرتاراق 61 میلیارد 395 میلیون دولاردان 62 میلیارد 283 میلیون دولارا یوکسلیب.

بئله کی، مرکزی بانکین جمعی رزرولری سپتامبرین 20سی هفته‌سین‌ده اوّلکی هفته ایله موقاییسه‌ده 2 میلیارد 842 میلیون دولار آرتاراق 153 میلیارد 550 میلیون دولاردان 156 میلیارد 392 میلیون دوللارا یوکسلیب.