ایستانبول صبیحا گؤکچن هاوا لیمانینا گلن یولچولارین سایی آرتیب

2024-جو ایلین ژوئن آییندا تورکیه-‌نین ایستانبول صبیحا گؤکچن هاوا لیمانینا گلن یولچولارین سایی اؤتن ایلین عینی دؤورو ایله موقاییسه‌ده 18 فایز آراتا‌راق، 19 میلیون 822 مین 886 نفر اولوب.

بو باره‌ده  تورکیه‌نین نقلیات و آلت یاپی ناظیرلیگی معلومات وئریلیب.

ناظیرلیک‌دن وئریلن معلوماتا گؤره، 2024-جو ایلین ژوئن آییندا هاوا لیمانی‌نین ایچ خط لرده یولچو دؤوریه‌سی 2023-جو ایلین آنالوژی دؤورو ایله موقاییسه‌ده 21 فایز آرتا‌راق، 9 میلیون 463 مین 044 نفر، اولوسلار آراسی خط لرده ایسه 15.9 فایز آرتا‌راق 10 میلیون 359 مین 842 نفر تشکیل ائدیب.

2024-جو ایلین ژوئن آییندا هاوا لیمانی‌نین یوک داشینماسی 2023-جو ایلین عینی دؤورو ایله موقاییسه‌ده 10 فایز آرتا‌راق 201 مین 136 تون تشکیل ائدیب. بونونلا یاناشی، 2024-جو ایلین ژوئن آییندا هاوا لیمانی‌نین ایچ خط لرده یوک داشینماسی 2023-جو ایلین عینی دؤورو ایله موقاییسه‌ده 7 فایز آرتا‌راق، 59 مین 355 تون، اولوسلار آراسی خط لرده یوک داشینماسی ایسه عینی دؤورله موقاییسه‌ده 12.2 فایز آرتا‌راق، 141 مین 781 تون تشکیل ائدیب.

معلوماتا اساساً، هاوا لیمانیندان 2024-جو ایلین ژوئن آییندا حیاتا کئچیریلن اوچوش‌لارین سایی 2023-جو ایلین ژوئن آیی ایله موقاییسه‌ده 9 فایز آرتا‌راق، 117 مین 773 اولوب. بونونلا یاناشی، ایچ خط لرده یئرینه یئتیریلن اوچوش‌لارین سایی 7 فایز آرتا‌راق 54 مین 983، اولوسلار آراسی خط لرده ایسه 10 فایز آرتا‌راق 62 مین 9790 اولوب.

بو ایلین ژوئن آییندا تورکیه‌نین بوتون هاوا لیمان‌لاریندا یولچو داشینماسی 104 میلیون 725 مین 264 نفر، یوک دؤوریه‌سی ایسه 2 میلیون 242 مین 185 تون تشکیل ائدیب.

خاطیرلاداق کی، 2023-جو ایلده تورکیه‌نین بوتون هاوا لیمان‌لاریندا یولچو داشینماسی 214 میلیون 5 مین 980 نفر، یوک داشینماسی ایسه 4 میلیون 211 مین 507 تون تشکیل ائدیب.