تورکیه توریزم هدف لرینه چاتیر

تورکیه سون 6 ایلده توریزم هدف‌لرینه چاتدی.

مدنیت و توریزم ناظیری محمت نوری ارسوی اؤزل تلویزیون کانالیندا 2024-جو ایل توریزم هدفی ایله باغلی معلومات‌لاری پایلاشیب.

"ایللیک 60 میلیون توریست و 60 میلیارد دو‌لار گلیر هدفیمیزه چاتماق یولوندا حرکت ائدیریک. سون 6 ایلده توریزم ناظیرلیگی اولا‌راق قارشییا قویدوغوموز بوتون هدف‌لره نایل اولدوق."اومید ائدیرم کی، بوندان سونراکی هدف لریمیزه ده نایل اولاجاغیق" دئیه محمت نوری ارسوی بیلدیریب.

تورکیه‌نین توریزمله باغلی ان سیخ و تأثیرلی رکلام وئرن اؤلکه اولدوغونو وورغولایان ناظیر ارسوی، "36 اؤلکه‌ده میللی تلویزیونلارلا سیخ ایشلییریک" دئدی.

ناظیر ارسوی، همچنین کؤرفز اؤلکه‌لریندن گلن توریست‌لرین عمومی توریست سایی‌نین یوزده 5-نی تشکیل ائتدیگینی ایفاده ائده‌رک، "ان چوخ گلیر گتیرن توریست‌لر کؤرفز اؤلکه‌لریندن گلن‌لردیر" دئییب.