تورکیه‌نین 2024-جو ایلین ایلک 7 آییندا صادرات رقم‌لری

تورکیه 2024-جو ایلین ایلک 7 آییندا 261 میلیارد دو‌لارلیق صادرات ایله سون 12 آیین صادرات رقمینه چاتا‌راق رکورد قیریب.

ایستانبولدا کئچیریلن حاضیر گئییم سرگی‌سینده چیخیش ائدن تورکیه‌نین تیجارت ناظیری عمر بولات اؤلکه‌نین بؤیومه سرعتی ایله دونیانین لیدئر اؤلکه‌لریندن بیری اولدوغونو وورغولایا‌راق صادرات معلومات‌لاری ایله باغلی تفرروات‌لاری پایلاشیب. اونون سؤزلرینه گؤره، بو ایلین ایلک 3 آییندا اؤلکه‌دکی عمومی میللی گلیر 1 تریلیون 159 میلیارد دو‌لارا یوکسلیب.

5،7 فایزلیک آرتیم سرعتی ایله تورکیه دونیانین لیدئر اؤلکه‌لریندن بیری اولوب.

صادراتین دا یاخشی ایرلیلدیگینی وورغولایان ناظیر عمر بولات دئییب: "2024-جو ایلین سونونا قدر 267 میلیارد دو‌لارلیق مال صادراتی و 110 میلیارد دو‌لارلیق خیدمت صادراتی هدفی قویموشدوق.  جولای آیی اعتباریله سون 12 آیدا صادراتیمیز 261،5 میلیارد دو‌لارا چاتدی. بو رکورددور. خیدمت صادراتی دا ایللیک 106،5 میلیارد دو‌لارا یوکسلیب".