ژوئن آییندا تورکیهنین خاریجی تیجارت دؤوریهسی 40 میلیارد دولاری کئچیب
بو بارهده تورکیهنین تیجارت ناظیرلیگی معلومات یاییب.
بو ایلین ژوئن آییندا تورکیهنین خاریجی تیجارت دؤوریهسی 43 میلیار 969 میلیون دولار اولوب.
بو بارهده تورکیهنین تیجارت ناظیرلیگی معلومات یاییب.
ناظیرلیکدن قئید اولونوب کی، 2024-جو ایلین ژوئن آییندا تورکیهنین صادراتی 2023-جی ایلین عینی آیی ایله موقاییسهده 8،3 فایز آزالاراق 19 میلیارد 49 میلیون دولار، وارداتی ایسه 4،4 فایز آزالاراق 24 میلیارد 920 میلیون دولار اولوب.
"بو ایلین ژانویه- ژوئن آییندا تورکیهنین خاریجی تیجارت دؤوریهسی 295 میلیارد 147 میلیون دولارا چاتیب" –دئیه ناظیرلیکدن بیلدیریلیب.
ناظیرلیکدن قئید اولونوب کی، 2024-جو ایلین ژانویه- ژوئن آییندا تورکیهنین صادراتی 2023-جی ایلین عینی دؤورو ایله موقاییسهده 2،6 فایز آرتاراق 126 میلیارد 278 میلیون دولارا، وارداتی ایسه 8،4 فایز آزالاراق 168 میلیارد 869 میلیون دولارا چاتیب.
قئید ائدک کی، کئچن ایل تورکیهنین خاریجی تیجارت دؤوریهسی 617 میلیارد 551 میلیون دولارا چاتیب.
2023-جو ایلده تورکیهنین صادراتی 2022-جی ایلین عینی دؤورو ایله موقاییسهده 0،6 فایز آرتاراق 255 میلیارد 777 میلیون، وارداتی ایسه 0،5 فایز آزالاراق 361 میلیارد 774 میلیون دولار اولوب.
