تورکیه-‌نین خام پولاد اوره تیمی آرتیب

تورکیه-‌نین خام پولاد اوره تیمی آوریل آییندا کئچن ایلین عینی آیینا گؤره 4،4 فایز آرتیب.

تورکیه پولاد اوره تیجی لری بیرلیگی (TÇÜD) 2024-جو ایل آوریل آیی پولاد اوره تیمی، مصرفی و خاریجی تیجارت معلومات‌لارینی آچیقلاییب.

آوریل آییندا تورکیه-‌نین خام پولاد اوره تیمی کئچن ایلین عینی آیینا گؤره 4،4 آرتا‌راق 2،8 میلیون تونا چاتیب. ایلین ایلک 4 آییندا اوره تیم 22،1 فایز آرتا‌راق 12،3 میلیون تون اولوب. آوریلده پولاد محصول‌لاری صادراتی 64،6 فایز آرتیملا 1 میلیون تون اولا‌راق قئیدیاتا دوشوب.

2024-جو ایلین ژانویه-آوریل دؤورونده صادرات 2023-جو ایلین عینی دؤورو ایله موقاییسه‌ده 49،4 فایز آرتا‌راق 4،2 میلیون تونا چاتیب.

آوریل آییندا واردات کئچن ایلین عینی آیینا گؤره 12،4 آزالا‌راق 1،5 میلیون تون اولا‌راق حسابلانیب.

ژانویه-آوریل دؤورونده 2023-جو ایلین عینی دؤورو ایله موقاییسه‌ده خام پولاد وارداتی  5،9 فایز آزالا‌راق 5،5 میلیون تون اولوب.