اتومبیل صنایع سینده ان یوکسک می آیی صادراتی

تورکیه-نین اتومبیل صنایعسی اؤتن آی 3 میلیارد دو‌لارلیق خاریجی ساتیش حیاتا کئچیره‌رک، بو گونه قدرکی ان یوکسک می صادراتینی رئاللاشدیریب.

اولوداغ اتومبیل صنایعسی صادراتچیلار بیرلیگیندن وئریلن آچیقلامایا گؤره، تورکیه اتومبیل صنایعسی‌نین می آیی صادراتی اوولکی ایلین عینی دؤورو ایله موقاییسه‌ده 32 فایز آرتیملا 3 میلیارد 29 میلیون 593 مین دو‌لارا چاتیب.

می آییندا بو گونه قدر ان یوکسک صادرات ساتیشینی الده ائدن سئکتور 14 فایز پایلا تورکیه صادراتیندا یئنه بیرینجی یئرده‌دیر.

اتومبیل صنایعسی‌نین ان بؤیوک آلت محصول قروپو اولان تداروکچو صنایعسی‌نین می آیی صادراتی بیر اوولکی ایلین عینی آیی ایله موقاییسه‌ده 40 فایز آرتا‌راق 1 میلیارد 288 میلیون دو‌لارا چاتیب.

اؤلکه‌لرده ان بؤیوک بازار اولان آلمانیایا 36 فایز آرتیملا 426 میلیون دو‌لار، فرانسایا 35 فایز آرتیملا 411 میلیون دو‌لار، بؤیوک بریتانیایا 26 فایز آرتیملا 273 میلیون دو‌لار صادرات رئالاشدیریلیب.

صادرات ایتالیایا 44،5 فایز، ایسپانیایا 57 فایز، لهستانا 32 فایز، بلژیکه 31 فایز، روسیایا ایسه 172 فایز آرتیب.