تورکیه-نین تاریم صادراتیندا رکورد

تورکیه-نین تاریم سئکتورو 5 میلیارد 434 میلیون دو‌لارلا ژانویه- فوریه آیلاریندا بوتون زامان‌لارین ان یوکسک صادراتینی رئاللاشدیریب.

ایلین ایلک 2 آییندا 2022-جی ایلین مووافیق دؤورو ایله موقاییسه‌ده 2،7 فایز آرتان تاریم صادراتی تورکیه-نین عمومی صادرات ساتیشلاریندان‌ 16،2 فایز پای گؤتوروب.

تاریم دا فعالیت گؤسترن 10 سئکتوردان 5-ی صادرات رکوردلاری قیریب.

تاخیل، پاخلا‌لی بیتکی‌لر، یاغلی توخوم‌لار و اونلاردان حاضیرلانان محصول‌لار 1 میلیارد 820 میلیون دو‌لار، تزه میوه و سبزه 634 میلیون 488 مین دو‌لار، زیتون و زیتون یاغی 201 میلیون 220 مین دو‌لار، بزک بیتکی‌لری و محصولاری 30 میلیون 146 مین دول‌لار، مبل، کاغیذ و مئشه محصول‌لاری 1 میلیارد 204 میلیون دو‌لارلا بوتون زامان‌لارین ژانویه -فوریه آیلاری‌نین ان یوکسک صادراتینی رئاللاشدیریب.

اؤلکه‌لره گوره رکورد قیران سئکتورلارین صادراتینا نظر سالدیقدا ایلک 2 آیدا عراقا تاخیل، پاخلا‌لی بیتکی‌لر، یاغلی بیتکی‌لر و محصول‌لار 296 میلیون 749 مین دو‌لار، مبل، کاغیذ و مئشه محصول‌لاری 129 میلیون 180 مین دو‌لار، روسیایا تزه میوه و سیزه 173 میلیون 401 مین دو‌لار، ایسپانیایا زیتون و زیتون یاغی سئکتورو 67 میلیون 417 مین دو‌لار، هوللاندیایا بزک بیتکی‌لری و محصول‌لاری 8 میلیون 182 مین دو‌لار صادرات رئاللاشدیریلیب.