تۆرک هاوا یوللارینین یولچو ساییسی ۶ میلیونو گئچدی
شیرکتین ژانویه ۲۰۲۲ دؤنمینده ۳،۹ میلیون اولان توپلام یولچو ساییسینین ۲۰۲۳.جو ایلین عینی دؤونمینده یۆزده ۵۶ آرتاراق ۶،۱ میلیونا چاتدیغی بیلدیریلدی
1946389
تۆرک هاوا یوللارینین یولچو ساییسی ژانویه آییندا اؤنجه‌کی ایلین عینی دؤونمی ایله مقایسه‌ده یوۆزده ۵۶ آرتاراق ۶،۱ میلیونا چاتدی.
تۆرک هاوا یوللاری طرفیندن توپلومو بیلگیلندیرمه پلتفورموندا یاییملانان آچیقلامادا، شیرکتین ژانویه ۲۰۲۲ دؤنمینده ۳،۹ میلیون اولان توپلام یولچو ساییسینین ۲۰۲۳.جو ایلین عینی دؤونمینده یۆزده ۵۶ آرتاراق ۶،۱ میلیونا چاتدیغی بیلدیریلدی.
اؤلکه دیشیندا بیر نقطه‌دن آیری نقطه‌یه آپاریلان یولچو ساییسینین ژانویه ۲۰۲۲ دؤنمینده ۱،۳ میلیون ایکن، ۲۰۲۳.جو ایلین عینی دؤنمینده ۲،۳ میلیونا یوکسلدیگی بیلدیریلن آچیقلامادا، یولچو دولولوق نسبتینین ژانویه ۲۰۲۳ دؤنمینده یۆزده ۸۰،۷ اولدوغو قید ائدیلدی.
آچیقلامادا، عینی دؤنمده یورددیشی دولولوق نیسبتی یۆزده ۸۰،۵ اولاراق گئرچکلشیرکن، یوردایچی دولولوق نیسبتینین ایسه یۆزده ۸۲،۳ اولدوغو ایفاده ائدیلدی.
