داووس ذیروه‌سی باشلادی
تورکیه‌دن ذیروه‌یه رسمی ایشتیراک اولمایاجاق
داووس ذیروه‌سی اولاراق دا بیلینن دونیا اقتصادی فورومونون ۵۳-جوسو سوئیسین داووس شهرین‌ده ایشه باشلادی.
بو ایل "پارچالانمیش بیر دونیادا امکداشلیق" قونوسو ایله تشکیل اولونان فوروم، ۳۰ اؤلکه‌دن ۵۰سی دؤولت و یا حکومت باشقانی اولماقلا ۲۷۰۰دن چوخ ایشتیراکچینی بیر آرایا گتیریر.
چوخ ساییدا اولوسلارآراسی تشکیلات و ایش دونیاسی نماینده‌لرینین ده قاتیلاجاغی فوروم، ۲۰ ژانویه‌یه دک داوام ائد‌جک.
لیدئرلرین چدانیشمالاری و بیر چوخ فرقلی ساحه‌ده اوتوروملار یارین باشلایاجاق.
تورکیه‌دن ذیروه‌یه رسمی ایشتیراک اولمایاجاق. آمریکا بیرلشمیش دؤولتلری، چین و روسیا کیمی اؤلکه‌لردن ده فوروم‌دا لیدئرلر سویه‌سین‌ده ایشتیراک اولمایاجاق.
فوروم چرچیوه‌سینده اقتصادی باشدا اولماق اۆزره، ۲۴ فوریه‌ده بری داوام ائد‌ن روسیا-اوکراینا ساواشی، یئنی نسیل کوروناویروس (کووید-۱۹) سالقینی، تکنولوژی، انرژی، ایقلیم دییشیکلیگی، ساغلیق، کؤچ و باشقا اولوسلارآراسی بحران قونولاری دگرلندیریله‌جک.
ایقلیم فعاللاری، دونن، داووسداکی شهر مرکزی میدانین‌دا دونیا اقتصادی فورومونا و ایقلیم دییشیکلیگینه اعتراض ائتدیلر.
چئوره‌چیلر، سؤزوگئدن فورومون یالنیز اقتصادی قایغیلارلا تشکیل ائدیلدیگینی، ایقلیم دییشیکلیگی و دیگر ارنملی پروبلئملره حل یوللاری تکلیف ائتمه‌دیگینی بیلدیریرلر.
ایلگیلی‌لی خبرلر
دوغو قارادنیز بؤلگه‌سیندن دونیایا بال صادر ائدیلیر
اؤتن ایل دوغو قارادنیز بؤلگه‌سیندن ۱۵ اؤلکه‌یه ۸۵۲ تن بال صادر ائدیلدی
