اردوغان: تۆرکیه گوجله‌نیر
"تۆرکیه‌نین بؤیومه‌سینی دوردورماق مومکون دئییل"
جمهورباشقانی رجب اردوغان، تۆرکیه‌نین ۲۰۲۲.جی ایلی رکورد آرتیش سویه‌سینده بیتیره‌جگینی سؤیله‌دی.
جمهورباشقانی اردوغان باشقانی اولدوغو عدالت و قالخینما پارتیسینین (آک پارتی) قرارگاهیندا گئچیریله‌ن توپلانتیدا دانیشدی.
"تۆرکیه عصری پروگرامیمیزلا میللتیمیزه جمهوریتیمیزین یئنی عصرینه داها بؤیوک خیاللار و هیجانلارلا گیرجگینه بیر اومود ایشیغی یاندیردیق" دئین اردوغان،
"(تۆرکیه‌نین) ۲۰۲۲.جی ایلی اوچونجو دؤردده‌بیرینده‌کی بؤیومه‌سی ۳،۹ اولاراق آچیقلانیرکن ایکینجی دؤردده‌بیر بؤیومه‌سی ایسه ۷،۷ اولاراق یوخارییا دوغرو گؤزدن گئچیریلدی. قلوبال تنزولـله باغلی قایغیلارین آرتدیغی بیر دؤورده تۆرکیه‌نین بؤیومه‌سینی داوام ائتدیرمه‌سی چوخ دگرلی‌دیر. اینشاالله، ۲۰۲۲.جی ایلی دونیا ایله موقایسه‌ده رکورد سویه‌ده بیتیررک ۲۰۲۳.جو ایله یاخشی بیر باشلانغیج ائدجییک" دئدیه دانیشدی.
اردوغان،
"اگر بو گون اقتصاد‌دا تۆرکیه بیر قالخیشما ایچینده‌دیرسه، اوچونجو دؤردده‌بیر‌ده ده اقتصادی بؤیومه‌ده ۳،۹ رقمینی یاخالایاراق گ۲۰ اؤلکه‌لری آراسین‌دا ایلک ۵ده‌دیرسه، بو بیر شئیی گؤستریر؛ تۆرکیه گوجله‌نیر. تۆرکیه‌نین بؤیومه‌سینی دوردورماق مومکون دئییل" ایفاده‌لرینی ایشلتدی.
جمهورباشقانی، وطنداشلارا اقتصادی دستکلری داوام ائتدیره‌جکلرینی بیلدیردی.
ایلگیلی‌لی خبرلر
تورکیه ایلین ایلک ربعونده 2 مین 133 تن بال ایخراج ائدیب
بال ایخراجاتیدا 16-جی یئرده اولان تورکیه ایلین ایلک ربعونده 2 مین 133 تن بال ایخراج ائدیب
