بالکان‌لارا صادرات آرتیب

بالکان‌لارا صادرات ایلین 2022-جی ایلین 10 آییندا اوولکی ایلین عینی دؤورونه گؤره 21،8 فایز آرتا‌راق 17 میلیارد 286 میلیون دو‌لارا چاتیب.

1907100
بالکان‌لارا صادرات آرتیب

بالکان‌لارا صادرات ایلین 2022-جی ایلین 10 آییندا اوولکی ایلین عینی دؤورونه گؤره 21،8 فایز آرتا‌راق 17 میلیارد 286 میلیون دو‌لارا چاتیب.

تورکیه صادراتچیلار مجلیسی‌نین معلوماتینا گؤره، ایلین 10 آییندا آلبانیا، بوسنیا هرزگوینا، بولقاریستان، کرواسی، مونته نگرو، کوزوو، قوزیی مقدونیه، رومینیا، صربیستان، اسلوونیا و یونانیستان اولماقلا بالکان جوغرافیاسینا 17 میلیارد 286 میلیون دو‌لارلیق صادرات گئرچکلشیب. کئچن ایلین عینی دؤورونده بو رقم 14 میلیارد 188 میلیون دو‌لار سویه‌سینده اولوب، بو ایل ایسه اؤتن ایله گؤره 21،8 فایز آرتیب.

سؤزوگئدن دؤورده بالکان اؤلکه‌لری آراسیندا ان چوخ صادرات 5 میلیارد 229 میلیون دو‌لارلا رومینیایا ائدیلیب. اوندان سونرا 3 میلیارد 763 میلیون دو‌لارلا بولقاریستان، 2 میلیارد 385 میلیون دو‌لارلا یونانیستان، 1 میلیارد 434 میلیون دو‌لارلا صربیستان، 1 میلیارد 366 میلیون دو‌لارلا اسلوونیا، 836 میلیون 630 مین دو‌لارلا آلبانیا، 602 میلیون 474 مین دو‌لارلا بوسنیا و هرزگوینا، 537 میلیون 756 مین دو‌لارلا قوزیی مقدونیه، 520 میلیون 382 مین دو‌لارلا کوزو، 482 میلیون 64 مین دو‌لارلا کرواسی، 128 میلیون 122 مین دو‌لارلا مونته نگرو گلیر.



ایلگیلی‌لی خبرلر