آوروپادا طبیعی گازین قیمتی رکورد حده چاتدی
روسیانین "قوزیی آخینی" طبیعی گاز کمری ایله آوروپایا صادر ائتدیگی گازین حجمینی بو گوندن اعتباراً ائندیرجگینی آچیقلاماسی قیمت آرتیمیندا تأثیرلی اولوب.
روسیانین "قوزیی آخینی" طبیعی گاز کمری ایله آوروپایا صادر ائتدیگی گازین حجمینی بو گوندن اعتباراً ائندیرجگینی آچیقلاماسی قیمت آرتیمیندا تأثیرلی اولوب.
آوروپادا آوقوست آیی گاز فیوچرس موقاویلهسینین قیمتی دونن بیر مگاوات/ساعات اوچون 199،91 یورو ایله باغلانیب.
بو گون 210،25 یورودان باشلایان طبیعی گاز قیمتلری، اؤتن گونه موقاییسهده 12 فایز آرتاراق 223،85 یورویا یوکسلیب.
روسیانین انرژی شیرکتی "گازپروم" بازار ارتهسی (25 جولای) گونو روسیا گازینی آلمانیا اوزریندن آوروپایا داشییان خط لردن "قوزیی آخینی" طبیعی گاز بورو کمری اوچون ایستیفاده ائدیلن کمپرسور پورتووایا ایستگاهینداکی زیمنس توربین موتورونون تکنیکی سببلره گؤره دایاندیریلدیغینی، اونا گؤره ده خط واسیطهسیله داشینان طبیعی گازین میقدارینین آزالاجاغینی بیلدیریب.
قئید ائدک کی، دونن آوروپا بیرلیگینه عضو اؤلکهلر روسیادان گلن گازین کسیلهجگی احتیمالینی نظره آلاراق طبیعی گاز مصرفینی 15 فایز آزالتماق مسئله سینده راضیلاشیبلار.