قارادنیز گازی، ۲۰۲۳ده ائولرده اولاجاق
"۲۰۲۳.جو ایلین بیرینجی دؤردده‌بیرینده بیرینجی مرحله‌ده چیخاریلاجاق گونلوک ۱۰ میلیون مکعب متر طبیعی گازی میللی انتقال سیستمیمیزه گؤندره‌جییک"
جمهورباشقانی رجب طیب اردوغان قارا دنیز طبیعی گازی ایله باغلی، "۲۰۲۳.جو ایلین بیرینجی دؤردده‌بیرینده بیرینجی مرحله‌ده چیخاریلاجاق ۱۰ میلیون مکعب متر طبیعی گازی میللی انتقال سیستمیمیزه گؤندرمیش اولاجاغیق" دئدی.
اردوغان، فیلیوس‌دا، "قارادنیز گازی دنیزه ایلک بورو ائدیرمه مراسیمی"نه قاتیلدی.
بوراداکی دانیشماسیندا، تورکیه‌نین ایندییه قدر ان بؤیوک طبیعی گاز کشفی اولان قارادنیز گازیندا حساس بیر مرحله‌یه داها چاتمانین هیجانینی یاشادیقلارینی ایفاده ائدن اردوغان، ۲ ایل اؤنجه موشتولوق وئردیکلرینده، یئرلی گازین ۲۰۲۳.جو ایلده خالقین خیدمتینه وئریله‌جگینی بیلدیردیکلرینی خاطیرلاتدی.
جمهورباشقانی،
"۲۰۲۳.جو ایلین بیرینجی دؤردده‌بیرینده بیرینجی مرحله‌ده چیخاریلاجاق گونلوک ۱۰ میلیون مکعب متر طبیعی گازی میللی انتقال سیستمیمیزه گؤندره‌جییک. ساکاریا گاز یاتاغی ذیروه اۆره‌تیمه انشاالله، ۲۰۲۶.جی ایلده چاتاجاق. یاتاقدا قازیلاجاق ۴۰ قویو ایله گونلوک گاز اۆره‌تیم ظرفیتیمیز ۴۰ میلیون مکعب متره چاتدیرماغی هدفله‌ییریک".
