آوروپا بیرلیگیندن اوکراینایا مالی دستک

آوروپا بیرلیگی اوکراینایا ۶۰۰ میلیون یورو مالی دستک آییردی.

آوروپا بیرلیگی کمیسیونو روسیا-اوکراینا ساواشیندا اوکراینا اقتصادینا کؤمک ائتمک اوچون ماکرومالی دستگی وئردیگینی آچیقلادی.

آچیقلامادا بو گون اوکراینایا ۶۰۰ میلیون یورو اؤدنیلدیگینه ایشاره ائدیلرک،  مالی دستگین اوکراینانین عاجل مالی چاتیشمازلیغینین آرادان قالدیریلماسینا کؤمک ائدجگی وورغولاندی.

آوروپا بیرلیگینین اوکراینایا مارس آییندا دا ۶۰۰ میلیون یورو یاردیم ائتدیگی خاطیرلادیلان آچیقلاما‌دا، بونون اوکراینایا صرفه‌لی شرطلرله اوزون مدت‌لی واملار شکلینده وئریلدیگی بیلدیریلدی.

آچیقلاما‌دا، مالی دستگین اوکراینانین اقتصادی ثابیتلیگینی آرتیراجاغی و اؤلکه‌ده دؤولت خیدمتلرینین داوام ائتدیریلمه‌سینه قاتقی وئره‌جگینه وورغو ائدیلدی.