تورکیه‌نین قونشولارینا صادراتی
تورکیه، ایلک دؤردده‌بیرده ایران، یونانیستان، عراق، گورجوستان، سوریه و بولقاریستانا ۵ میلیارد ۶۳۶ میلیون دلارلیق صادرات ائتدی
تورکیه‌نین بو ایلین ایلک دؤردده‌بیرین‌ده قونشولاری ایران، یونانیستان، عراق، گورجوستان، سوریه و بولقاریستانا ائتدیگی صادرات، گئچه‌ن ایلین عینی دؤورونه گؤره یوزده ۳۰،۴ آرتیشلا ۵،۶ میلیارد دلارا چاتدی.
تیجارت باخانلیغی و تورکیه صادراتچیلار مجلیسی بیلگیلرینه گؤره، تورکیه‌نین صادراتی مارس‌دا گئچه‌ن ایلین عینی آیینا گؤره یوزده ۱۹،۸ آرتیشلا ۲۲،۷ میلیارد دلار اولدو.
بو رقم، بوتون زامانلارین ان یوکسک مارس آیی صادرات رقمی اولاراق ثبت ائدیلدی.
اؤلکه ژانویه-مارس دؤنمینده ایسه ۶۰ میلیارد ۲۸۸ میلیون دلار صادرات ائتدی.
بو، "ان یاخشی ایلک دؤردده‌بیر صادرات" اولاراق ثبت ائدیلدی.
تورکیه، ایلک دؤردده‌بیرده ایران، یونانیستان، عراق، گورجوستان، سوریه و بولقاریستانا ۵ میلیارد ۶۳۶ میلیون دلارلیق صادرات ائتدی.
بو مبلغ گئچه‌ن ایلین عینی دؤورونده ۴ میلیارد ۳۲۳ میلیون دلار سویه‌سینده ایدی.
بئله‌جه بو اؤلکه‌لره ائدیله‌ن صادرات، ژانویه-مارس دؤنمده گئچه‌ن ایلین عینی آیینا گؤره یوزده ۳۰،۴ آرتدی.
ایلک دؤردده‌بیرده ان چوخ صادرات ۲ میلیارد ۴۴۶ میلیون ۵۵۴ مین دلارلا عراقا ائدیلدی.
بو اؤلکه‌نی ۱ میلیارد ۵۹ میلیون ۲۹۳ مین دلارلا بولقاریستان، ۷۹۰ میلیون ۹۴۰ مین دلارلا یونانیستان، ۵۶۰ میلیون ۲۶۵ مین دلارلا ایران، ۳۹۶ میلیون ۱۷۷ مین دلارلا گورجوستان و ۳۸۳ میلیون ۲۶۷ مین دلارلا سوریه ایزله‌دی.
تورکیه‌نین ۳ آیدا قونشولارینا ائتدیگی صادراتین بؤلوملره گؤره داغیلیمی آراشدیریلدیغیندا، "شیمیایی ماده‌لر و محصوللاری"نین ایلک سیرادا یئر آلدیغی گؤرولدو.
