اوکراینا محاربه‌سی و تحریم لر قلوبال اقتصادیاتا آغیر تأثیر ائده‌جک

اوکراینا محاربه‌سی و تحریم لر قلوبال اقتصادیاتا آغیر تأثیر ائده‌جک

اولوسلار آراسی پول فوندو (IMF) اوکراینادا داوام ائدن محاربه‌نین و بونونلا باغلی تحریم لرین قلوبال اقتصادیاتا آغیر تأثیر ائدجگی باره‌ده خبردارلیق ائدیب.

IMF-دن وئریلن معلوماتدا بیلدیریلیر: “کریستالینا جیورجیوانین صدرلیگی ایله فوندون ایجراچی شوراسی توپ‌لاشا‌راق اوکراینا‌داکی محاربه‌نین اقتصادی تأثیرلریندن ضرر چکن اؤلکه‌لره مومکون سرعت‌لی مالیه یاردیمینی موذاکیره ائدیب.

اوکراینا‌داکی محاربه اؤلکه‌نین فیزیکی آلت یاپی سینا بؤیوک زیان وورور. بو، قونشو اؤلکه‌لره 1 میلیون‌دان چوخ قاچقین دالغاسینا و روسیایا بنزری اولمایان تحریم لرین  قویولماسینا سبب اولور.

بوغدا و دیگر تاخیل‌لار دا داخیل اولماقلا، انرژی و محصول قیمت‌لری آرتیب و قیمت شوک‌لاری بوتون دونیایا تأثیر ائده‌جک.

موناقیشه شدت لنرسه، اقتصادی ضرر داها دا داغیدیجی اولا‌جاق.

روسیا-یا قارشی تحریم لر قلوبال اقتصادیاتا و مالیه بازارلارینا بؤیوک تأثیر گؤستره‌جک.

اوکراینا و روسیا ایله چوخ یاخین اقتصادی علاقه‌لری اولان اؤلکه‌لر قیت‌لیق و تداروکون کسیلمه‌سی ریسکینی یاشایا بیلر.

داوام ائدن محاربه و بونونلا باغلی تحریم لر قلوبال اقتصادیاتا آغیر تأثیر ائده‌جک”.

خاطیرلاداق کی، روسیا فوریه‌نین 24-دن اوکراینایا هوجوما کئچیب.