عراق، تورکیهدن الکتریک آلاجاق
"تورکیهدن یاخیندا ۵۰۰ مگاوات الکتریک آلاجاغیق"
عراق الکتریک باخانلیغی وظیفهسینی نیابتاً اجرا ائدن عادل کریم، اؤلکهده مزمنلشهن الکتریک کسیلمهلری پروبلئمینه حل یولو تاپماق اوچون یاخیندا تورکیهدن ۵۰۰ مگاوات الکتریک آلاجاقلارینی سؤیلهدی.
عادل کریم، عراق رسمی دؤولت تلویزیونوندا بیر پروگراما قاتیلاراق یاشانان الکتریک کسیلمهلریله باغلی دانیشدی.
عراقدا یئترلی الکتریک خیدمتی وئریلمهسی اوچون قطردن گاز آلیشی گؤروشمهلرینین داوام ائتدیگینی دیله گتیرهن کریم، سعودی عربیستان ایله ده انرژی (الکتریک) آنلاشماسی ایمضالادیقلارینی خاطیرلاتدی.
اردن ایله ده الکتریک آخیش خطینین بیر ایل ایچریسینده تاماملاناجاغینی بیلدیرن کریم، الکتریک خیدمتیندهکی یئترسیزلیگین آرادان قالدیریلماسی اوچون تورکیهدن ده دستک آلیناجاغینی ایفاده ائدرک،
"تورکیهدن یاخیندا ۵۰۰ مگاوات الکتریک آلاجاغیق" دئیه دانیشدی.
عراق، ایللردیر الکتریک خیدمتی یئترسیزلیگی ایله بوغوشور.
اؤلکهنین بیر چوخ یئرینه گونده اورتالاما یالنیز ۳ ایله ۵ ساعات میللی الکتریک وئریلهبیلیر.