تورکیه ایله یونانیستان آراسینداکی تیجارت حجمی آرتیب

تورکیه-یونانیستان بیرگه اقتصادی کمیسیونونون (KEK) 5-جی دؤور توپلانتی‌سی تورکیه تیجارت ناظیری‌نین معاوینی مصطفی توزجو و یونانیستان خاریجی ایشلر ناظیری‌نین معاوینی کوستانتینوس فرانگویاننی‌سین همصدرلیگی ایله آتن-ده کئچیریلیب.

ییغینجاق‌دان سونرا وئریلن اورتاق یازی‌لی آچیقلامادا 2021-جی ایلده تورکیه ایله یونانیستان آراسیندا آرتان تیجاری-اقتصادی علاقه‌لره ایشاره ائدیله‌رک، گؤروشون بو ساحه‌ده الده ائدیلن سرعتین قورونوب ساخلانیلماسی و امکداش‌لیق ایمکان‌لاری‌نین آرتیریلماسی اوچون مهم فونکسیون داشییاجاغی بیلدیریلیب.

دانیشیق‌لاردان سونرا ایمضا‌لانان بیرگه اقتصادی کمیسیونونون 5-جی دؤور پروتوکولونا موذاکیره اولونان ایکی طرف‌لی تیجارت علاقه‌لری، قارشی‌لیق‌لی یاتیریم لار، آوروپا بیرلیگی ایله گوندم‌ده‌کی تیجارت مسئله‌لری و خصوصیله انرژی، توریزم، تاریم، گمروک، نقلیات باشدا اولماقلا امکداش‌لیق ایمکان‌لاری عکس ائتدیریلیب.

تورکیه ایله یونانیستان آراسیندا تیجارت حجمی 2021-جی ایلده اوولکی ایل ایله موقاییسه‌ده 69،2% آرتا‌راق 5،2 میلیارد دول‌لارا چاتیب.

تورکیه-‌نین یونانیستانا صادراتی 2021-جی ایلده یوزده 73،3 آرتارکن، تورکیه-‌نین تخمینن 1 میلیارد دو‌لارلیق تیجارت فازلاسی وار. ایکی اؤلکه آراسیندا تیجارت حجمی 2005-جی ایلدن بری اوچ دفعه آرتیب.