"بو ایشی ۲۰۲۳ ایلینه یئتیشدیرهجییک"
اردوغان: 'اقتصادی گوج ندیر، نه دئییلدیر' دئیهنلره اورادان لازم اولان جاوابی انشاالله وئرمک ایمکانیمیز اولاجاق
جمهورباشقانی رجب طیب اردوغان، قارا دنیزده طبیعی گاز چالیشمالاریندا ۲۰۲۲.جی ایلده بوتون قویولاردا اۆرهتیم اؤنجهسی تاماملاما ایشلرینین آپاریلاجاغینی بیلدیررک،
"انشاالله، بیز بو ایشی ۲۰۲۳ ایلینه یئتیشدیرهجییک" دئدی.
آلبانیایا سفری سونوندا ژورنالیستلرین سواللارینی جاوابلاندیران جمهورباشقانی اردوغان،
"بورو کمرینین تیکینتیسینده ایستیفاده اولوناجاق بورولار گلمهیه باشلادی. بورولارین هامیسینین تخمیناً ۱۰ آیری سفرله لیمانا گلمهسی پلانلاشدیریلیر. هر بیر بورو تخمیناً ۱۲ مئتر اوزونلوغوندادیر. کمرین یئرلشدیریلمهسی پروسهسی دنیزین دیبینده تخمیناً ۵ آی چکهجک. ۲۰۲۲.جی ایلده بوتون قویولاردا اۆرهتیم اؤنجهسی تاماملاما ایشلرینین آپاریلاجاق. انشاالله، بیز بو ایشی ۲۰۲۳ ایلینه یئتیشدیرهجییک" ایفادهلرینی ایشلتدی.
"یئنی خوش خبر وار می؟" سوالینا اردوغان،
"گؤزلهییریک. انشاالله، بوتون آرزولاریمیز، باخانلیغین چالیشمالاری، آرخاداشلارین وئردیگی بیلگیلر، اؤزللیکله ده سیسمیک آراشدیرما گمیلریمیزین بیزه وسوندوغو راپورلار، هامیسی بو ایستیقامتدهدیر. بیز بو ایشی اوغورلا باشا ووراندا، 'اقتصادی گوج ندیر، نه دئییلدیر' دئیهنلره اورادان لازم اولان جاوابی انشاالله وئرمک ایمکانیمیز اولاجاق" دئیه جاواب وئردی.
