یولچو ساییسی ۲۲ میلیون آرتدی

آوروپادا ۲۰۲۱.جی ایلده اوچان بوتون یولچولارین تخمیناً یوزده یئددیسی ایستانبول‌ مرکزلی داشیندی

1763713
یولچو ساییسی ۲۲ میلیون آرتدی

آوروپادا گئچن ایل هاوا یولو ایله سیاحت ائد‌نلرین یوزده یئددیسنی آغیرلایان ایستانبول، ۲۰۲۰.جی ایله گؤره، یولچو ساییسینی ۲۲ میلیون آرتیردی.

آوروپا هاوا سیر و سفر گوونلیگی تشکیلاتینین (یوروکنترل) بیلگیلرینه گؤره، گئچه‌ن ایل آوروپادا ایچ و دیش خط سفری ایله تخمیناً ۹۰۰ میلیون یولچو سفر ائتدی.

آوروپادا ۲۰۲۱.جی ایلده اوچان بوتون یولچولارین تخمیناً یوزده یئددیسی ایستانبول‌ مرکزلی داشیندی. بؤلگه‌ده اؤنجه‌کی ایل بو نیسبت یوزده ۵ اولاراق ثبت ائدیلمیشدی.

گئچه‌ن ایل ایستانبولون بوتون هاوا لیمانلارین‌دا ایچ خطلرده ۲۶ میلیون ۷۱۳ مین ۱۹۱، دیش خطلرده ۳۵ میلیون ۴۳۲ مین ۷۹ اولماق اۆزره توپلام ۶۲ میلیون ۱۴۵ مین ۲۷۰ یولچو قبول ائدیلدی.

ایستانیولدا اؤنجه‌کی ایل هاوا یولو ایله ۴۰ میلیون ۳۶۱ مین ۵۷۰ نفر سیاحت ائدرکه‌ن، گئچه‌ن ایل ۲۰۲۰.جی ایله گؤره ۲۱ میلیون ۷۸۳ مین ۷۰۰ یولچو آرتیشی ایله یوزده ۵۴لوک بیر یۆکسلمه گؤرولدو.



ایلگیلی‌لی خبرلر