تورکیه-‌نین ایتالیا-یا صادراتیندا رکورد

تورکیه نوامبر آییندا ایتالیا-یا 1 میلیارد 39 میلیون دو‌لارلیق محصول صادر ائده‌رک بوتون دؤورلرین رکوردونو قیریب.

تورکیه صادراتچیلار مجلیسی‌نین راپورونا گؤره تورکیه-‌نین صادراتی اؤتن آی 2020-جی ایلین مووافیق دؤورونه موقاییسه‌ده 33،4% آرتا‌راق 21 میلیارد 468،5 میلیون دو‌لارا چاتیب. بو دؤورده ایتالیا-یا صادرات حجمینده یئنی رکورد وورولوب.

راپوردا بیلدیریلیر کی، تورکیه نوامبر آییندا ایتالیا-یا 1 میلیارد 39،2 میلیون دو‌لارلیق محصول صادر ائدیب. بو دا گؤستریر کی، آدی چکیلن اؤلکه‌یه صادرات حجمی اؤتن ایلین مووافیق دؤورونه موقاییسه‌ده 40،6% آرتیب. بئله‌جه ایتالیا تورکیه-‌نین نوامبر آییندا ان چوخ محصول صادر ائتدیگی اؤلکه‌لر آراسیندا 4-جو یئره یوکسیلدیکده، بیرینجی سیردادا آلمانیا، ایکینجی سیرادا بؤیوک بریتانیا و اوچونجو سیرادا ایسه امریکا قرارلاشیب.