تورکیه-‌دن 83 اؤلکه‌یه چیچک صادر ائدیلیب

تورکیه-‌دن 83 اؤلکه‌یه 125 میلیون دو‌لارلیق چیچک صادراتی رئاللاشیب.

1725859
تورکیه-‌دن 83 اؤلکه‌یه چیچک صادر ائدیلیب

تورکیه-‌دن 83 اؤلکه‌یه 125 میلیون دو‌لارلیق چیچک صادراتی رئاللاشیب.

بزک بیتکی‌لری و محصول‌لاری سئکتورو یئنی نوع کوروناویروس (کووید-19) اپیدمیسی زامانی صادراتینی آرتیران سئکتورلار آراسیندا یئر آلیب.

65 فایزی آنتالیا‌دان اولماقلا ایزمیر، ساکاریا، ایسپارتا و موختلیف شهرلرده یئتیش‌دیریلن چیچک‌لره خاریجده بؤیوک طلبات اولوب.

بزک بیتکی‌لری و محصول‌لاری صادراتچیلار بیرلیگی‌نین صدری اسماعیل ییلماز اپیدمییه باخمایا‌راق صنایع‌نین اینکیشاف ائتدیگینی بیلدیریب.

داها اول جاری ایل اوچون 115 میلیون دو‌لارلیق صادرات هدفی تعیین ائتدیک‌لرینی ایفا‌دن ائدن اسماعیل ییلماز "بو گونه اولان صادراتیمیز 125 میلیون دو‌لار جیواریندا اولوب. دوشونورم کی، ایلین سونونا قدر 150 میلیون دو‌لاری کئچه‌جییک. بو، صادراتیمیزدا 50-55% آرتیم دئمک‌دیر" دئییب.

خصوصیله آوروپا‌دان بؤیوک ماراغین اولدوغونو قئید ائدن اسماعیل ییلماز آرا‌لاریندا هوللاندیا، اینگیلتره، آلمانیا، اؤزبکیستان، رومینیا و بولقاریستان اولماقلا 83 اؤلکه‌یه چیچک گؤندردیک‌لرینی سؤیله‌ییب.

ییلماز قئید ائدیب کی، اپیدمی دؤورونده هم صادرات ائدیلن اؤلکه‌لرین سایی، هم ده مبلغ آرتیب.



ایلگیلی‌لی خبرلر