"تورکیه ایله آذربایجانا سربست تیجارت آنلاشماسی یاراشیر"

باخان پکجان: ارمنیستانین داغیداراق گئریده قویدوغو، ایشغال‌دان قورتاریلمیش بؤلگه‌لرده آلت‌یاپی و اوست‌یاپی ایشلرین‌ده هر جور امکداشلیغا حاضیریق

1613099
"تورکیه ایله آذربایجانا سربست تیجارت آنلاشماسی یاراشیر"

تیجارت باخانی روخسار پکجان، تورکیه ایله آذربایجانا سربست تیجارت آنلاشماسینین یاراشاجاغینی سؤیله‌دی.
 
 پئکجان، رسمی گؤروشمه‌لر اوچون گئتدیگی آذربایجان‌دا اقتصاد باخانی میکائیل جباروو، نقلیات، رابطه و یوکسک تکنولوژیلر باخانی رشاد نبی‌یئو و دؤولت گؤمروک کمیته‌سینین باشقانی سفر مهدیئوله بیر آرایا گلدی.
 
 باخان پکجان، توپلانتیداکی چیخیشین‌دا ایکی اؤلکه آراسین‌داکی تیجارت و اقتصادی ایلیشکی‌لرین گلیشدیریلمه‌سی اوچون ایشلرینه داوام ائد‌جکلرینی سؤیله‌دی.
 
 ایکی اؤلکه آراسین‌دا ترجیحلی تیجارت آنلاشماسینین قوه‌یه میندیگینی خاطیرلادان پکجان،
 
 "تک بازار ایلکه‌سی اساسین‌دا تورکیه ایله آذربایجانا سربست تیجارت آنلاشماسی یاراشیر. هدفیمیز آزاد تیجارت آنلاشماسی اولمالی‌دیر". دئدی.
 
 ایکی اؤلکه ایلیشکیلرین‌ده یاتیریملارین سون درجه اؤنملی اولدوغونو وورغولایان پکجان،
 
 "ارمنیستانین داغیداراق گئریده قویدوغو، ایشغال‌دان قورتاریلمیش بؤلگه‌لرده آلت‌یاپی و اوست‌یاپی ایشلرین‌ده هر جور امکداشلیغا حاضیریق" دئیه دانیشدی.
 
 پکجان، آذربایجان دانیشیقلاری چرچیوه‌سین‌ده یارین پرزیدنت ایلهام علی‌یئو طرفین‌دن قبول ائدیله‌جک، باشباخان علی اسدوو، میللی مجلیس باشقانی صاحبه غافارووا ایله گؤروشه‌جک، ایش آداملاری و مدنی قوروملار باشقانلاری ایله توپلانتیسیندا، تورکیه ایله آذربایجان آراسیندا الکترونیک تیجارت حاقین‌دا آنلاشما مموراندومونون ایمضالانما مراسیمینه قاتیلاجاق.



ایلگیلی‌لی خبرلر