تورکیه ایله روسیا آراسیندا اوچوش لار 1 آوقوستدا باشلایاجاق

روسیا سیاحت آژانس لار بیرلیگی (ATOR) تورکیه ایله روسیا آراسینداکی اوچوش‌لارین یئنی‌دن باشلاماسی قراری آلیندیقدان سونرا، سیاحت آژانس لارینین تورکیه-‌ده اوچون تعطیل پاکتی ساتیش‌لارینی باشلاتدیغینی آچیقلاییب.

1461674
تورکیه ایله روسیا آراسیندا اوچوش لار 1 آوقوستدا باشلایاجاق

روسیا سیاحت آژانس لار بیرلیگی (ATOR) تورکیه ایله روسیا آراسینداکی اوچوش‌لارین یئنی‌دن باشلاماسی قراری آلیندیقدان سونرا، سیاحت آژانس لارینین تورکیه-‌ده اوچون تعطیل پاکتی ساتیش‌لارینی باشلاتدیغینی آچیقلاییب.

بیرلیگین آچیقلاماسیندا یئنی نوع کروناویروس (کووید-19) اپیدمیسی سببیله دایاندیریلان اوچوش‌لارین 4 آی داوام ائدن فاصیله‌دن سونرا 1 آوقوستدا تورکیه ایله یئنی‌دن باشلادیلاجاغینا دقت چکیلیب.

قراردان سونرا روسیا تور شیرکت‌لری‌نین ده تورکیه-‌یه سیاحت ساتیش‌لارینا باشلادیغی وورغولانان آچیقلامادا "1 آوقوست تاریخیندن اعتباراً ایستانبوللا علاقه‌لی تورلارین ساتیشینا باشلانیلیر و 10 آوقوست‌دان اعتباراً آنتالیا سفرلری ایله بیرباشا ساتیش‌لار حیاتا کئچیریلیر" ایفاده‌سی یئر آلیب. آچیقلامادا تور قیمت‌لری‌نین "جلب ائدیجی سویه‌لرده" اولدوغو وورغولانیب.

خاطیرلاداق کی، روسیا باش ناظیری‌نین معاوینی تاتیانا قولیکووا ژوئیه‌نین 24-ده وئردیگی معلوماتدا تورکیه ایله روسیا آراسیندا اوچوش‌لارین قارشی‌لیق‌لی اولا‌راق 1 آوقوستدا باشلایاجاغینی بیل‌دیره‌رک، "روسیا‌دان اوچوش‌لار 1 آوقوست تاریخیندن اعتباراً ایستانبول و آنکارایا، 10 آوقوست‌دان ایسه آنتالیا، دالامان و بودروما اوچوش‌لار باشلایا‌جاق" ایفاده‌لرینی ایشلتمیشدی.

بونو دا قئید ائدک کی، کئچن ایل روسیا-‌دان تورکیه-‌یه 7 میلیون توریست گلیب. بونونلا دا تورکیه-‌یه گلن توریست‌لر آراسیندا بیرینجی یئری آلیب.

بو آرادا روسیا فدرال هاواجیلیک تشکیلاتیندان (Rosaviatsiya) وئریلن معلوماتدا بیلدیریلیب کی، روسیادا یئنی‌دن باشلایان اوچوش‌لار روسیا و خاریجی هاوا یولو شیرکت‌لری طرفیندن هم پلان‌لی، هم ده چارتر سفرلری ایله حیاتا کئچیریله‌جک‌دیر.



ایلگیلی‌لی خبرلر